Chopiq

Vikipediya, ochiq ensiklopediya

Chopiq, chopiq qilish — agrotexnika tadbirlaridan biri, ekinning qator orasi va ildiz atrofini 8—12 sm chukurlikda yuza yumshatish bilan birgalikda oʻsimlik tupi atrofiga tuproq uyish; Ch.ning asosiy vazifasi — ekin qator oralaridagi begona oʻtlarni yoʻqotish, ildizning rivojlanishi uchun tuproqni yumshatib, qulay namlik va tuproq sharoitini yaratish. Ch. natijasida pushta va egatlarda hosil boʻlgan ortiqcha namlik yoʻqolib, tuproqqa havo oʻtishi yaxshilanadi, tuproq yaxshi qiziydi, ildizlar yaxshi rivojlanadi, sugʻorilganda ildizlar suvdan yaxshi bahra oladi. Qulay muddatlarda oʻtkazilgan Ch. dalani begona oʻtlardan tozalaydi. Ch.dan oldin qoida tarzida ekinlar sugʻoriladi va 2—3 kundan keyin yer yetilishi bilan Ch. oʻtkaziladi. Kechikib oʻtkazilgan Ch.da esa tuproq qotib, sifatsiz ishlanadi, oʻsimlik ildizlari kesilib, tuplari yulinib ketadi, tuproq nami behuda sarflanadi. Makkajoʻxori, tarvuz, qovun, bodring , pomidor, baqiajon va boshqa ekinlar hosildorligini oshirishda Ch.ning ahamiyati katta, chunki bu oʻsimliklar Ch.dan keyin yangi ildizlar chiqarib avj olib oʻsadi. Ch.ning samaradorligi, asosan, uni oʻtkazish muddati va sifatiga boglik (yana q. Kultivatsiya).