Bursa Uludağ Universiteti (BUU) 1975-yilning 11-aprelida TurkiyaningBursa shahridagi birinchi universitet sifatida tashkil etilgan va “Bursa Universiteti” deb nomlangan. Universitet nomi bir necha marotaba oʻzgargan. Masalan: 1982-yilda “Uludağ Universiteti”, 2018-yilda esa “Bursa Uludağ Universiteti” deb nomlangan[1]. Bugungi kunda universitet 15 ta fakultet, 2 ta kollej, 15 ta kasb-hunar maktabi, 1 ta konsevatoriya, 4 ta institut va 27 ta ilmiy markazni oʻz ichiga oladi.
1960-yilda Bursada uyushgan sanoat zonasininng tashkil etilishi bilan shaharda sanoat va aholining oʻsishi kuzatildi. Bursaga kelgan ziyolilar va ishbilarmonlar shaharda universitet tashkil etish haqida oʻylay boshlagan. Shundan soʻng 1969-yili “Bursada universitet tashkil etish uyushmasiʼ’ni tuzishdi va dastlab tibbiyot fakultetini tashkil etishga qaror qilishdi.
Bursa Uludağ Universitetidagi Festeval
Shu tariqa 1970-yili Istanbul Universitetining “Bursa tibbiyot fakulteti’’ tashkil etildi va u oʻz faoliyatini 50 ta talaba bilan boshladi[2].
Universitet tashkil etish uchun kamida 2 ta fakultet mavjud boʻlishi talab qilinar edi. Bu talab 1974-yilda “Bursa Iqtisodiyot va ijtimoiy fanlar fakulteti”ning tashkil etilishi bilan bajarildi. 1975-yilning 11-aprelida 1873-qonun asosida Bursa universiteti tashkil etilgan[3].
Universitet “Bursa Universiteti” nomi ostida 2 ta fakultet, 20 nafar professor-oʻqituvchi va 250 nafar talaba bilan faoliyat boshlagan. Universitet rektori etib O‘mer Fethi Tezok saylangan[4][5].
2022-2023-oʻquv yilida universitetda jami 74155 nafar talaba tahsil olmoqda. Ulardan 63699 nafari aspirant va bakalavriat, 2301 nafari doktorant, 5506 nafari magistratura va 2649 nafari tibbiyot mutaxassisligida tahsil olmoqda[6].
2022-2023-oʻquv yili holatiga koʻra universitetda jami 2479 nafar professor-o‘qituvchilar faoliyat yuritmoqda[7].
