Bruce Lee

Bruce Lee
Lee 1971-yilda
Tavalludi	Lee Jun-fan (李振藩) 27-noyabr 1940-yil San Francisco, Kaliforniya, AQSh
Vafoti	20-iyul 1973-yil(1973-07-20) (32 yoshda) Kowloon Tong, Britaniya Hong Kongi
Fuqaroligi	AQSh Britaniya Hong Kongi
Kasbi	Jang sanʼati ustasi faylasuf aktyor rejissor ssenariynavis produser
Turmush oʻrtogʻi	Linda Emery (turm. 1964; vaf. 1973)
Otasi	Lee Hoi-chuen
Onasi	Grace Ho
Taʼlimi	Washington universiteti
Faoliyat yillari	1941–1973
Bolalari	Brandon va Shannon Lee
Sayt	Bruce Lee Jamgʻarmasi

Bruce Lee (talaffuzi: Brus Li; 李小龍; tugʻilgan paytidagi ismi Lee Jun-fan, 李振藩; 1940-yil 27-noyabr — 1973-yil 20-iyul) — jang sanʼati ustasi. AQShda safarda yurgan xitoylik teatr aktyorlari oilasida tugʻilgan. 11 yoshidan Shaolin maktabi ustasi Ip Mandan ushu, kung fu saboqlarini oldi. 17 yoshida San Franciscoga ketib, oshpazlik qildi, unversitetga oʻqishga kirdi, kung fu maktabini ochdi, yakkakurashning jitkundo deb atalgan maxsus yoʻnalishiga asos soldi. 1965-yilda sport mashgʻulotlari asosida olingan film unga shuhrat keltirdi, Hollywoodga taklif etildi. „Katta boss“, „Shiddatli musht“, „Ajdahoning chiqishi“, „Ajdaho yoʻli“, „Ajdaho bilan olishuv“ filmlarida suratga tushdi. Oʻzi ham Hong Kongda „Konkord“ kinostudiyasini ochib, „Oʻlim bilan oʻynashish“ filmi ustida ish boshladi. Ogʻir kasallikka chalingan Lee shifoxonada yakkakurashga bagʻishlangan „Yengilmas musht yoʻli“ kitobini yozib tugatdi. Sogʻaygach, filmning 20 daqiqasini suratga olishga ulgurdi. Oʻlimiga notoʻgʻri qabul qilingan dori sabab boʻlgan degan tashxis qoʻyilgan (Siettle shahridagi qabristonga dafn qilingan).

Adabiyotlar

• OʻzME. Birinchi jild. Toshkent, 2000-yil