Britaniya Kolumbiyasi

Vikipediya, ochiq ensiklopediya

Britaniya kolumbiyasi — Kanada g‘arbidagi provinsiya. Maydoni 947,8 ming km². Aholisi 3,0 mln. kishidan ziyod (1990- yillar o‘rtalari). Ma’muriy markazi — Viktoriya shahri B. K. Tinch okean sohili bo‘ylab joylashgan. Tarkibiga Vankuver, Qirolicha Sharlotta va boshqa orollar ham kiradi. Relefi tog‘li (Qoyali tog‘lar, Kordilera tog‘i tizmalari va boshqalar). Sohil qismida iqlimi yumshoq, sernam, tog‘larda sovuq, yillik yog‘in 240 mm, vodiylarda 300–400 mm. Asosiy daryolari — Freyzer, Kolumbiya. Ygna bargli o‘rmonlar bilan qoplangan. Sanoatining asosiy tarmoqlari: konchilik (rux, qo‘rg‘oshin, molibden, mis va boshqalar), taxta tilish, sellyulozaqog‘oz. Rangli metallurgiya, mashinasozlik, kimyo, oziq-ovqat sanoati korxonalari bor. Tog‘ daryolariga GES qurilgan. Britaniya Kolumbiyasi da sut chorvachiligi yetakchi o‘rinda, sabzavot va mevalar yetishtiriladi. Baliqovlanadi. Muhim sanoat markazlari — Vankuver va Viktoriya shahri

Adabiyotlar[tahrir]

  • OʻzME. Birinchi jild. Toshkent, 2000-yil