Barno Abdullayeva

Barno Sayfutdinovna Abdullayeva
Tavalludi	20-iyul 1974-yil (51 yosh); Toshkent, Oʻzbekiston SSR
Fuqaroligi	Oʻzbekiston
Kasbi	pedagog
Sohasi	pedagogika
Taʼlimi	Toshkent davlat pedagogika instituti
Ilmiy darajasi	pedagogika fanlari doktori, psixologiya fanlari doktori
Ilmiy unvoni	professor
Mukofotlari

Vikipediyada ismi Barno va familiyasi Abdullayeva boʻlgan boshqa kishilar haqida ham maqolalar mavjud.

Barno Sayfutdinovna Abdullayeva (1974-yil 20-iyul, Toshkent, Oʻzbekiston SSR) — oʻzbekistonlik olima, pedagogika fanlari doktori (2007), psixologiya fanlari doktori (DSc, 2022), professor (2011).

Biografiyasi

Barno Abdullayeva 1974-yil 20-iyul Toshkent shahrida ziyolilar oilasida tugʻilgan. 1991—1996-yillarda Toshkent davlat pedagogika instituti fizika-matematika fakuletitda tahsil olgan. 1996—1997-yillarda mazkur universitetning „Algebra va sonlar nazariyasi“ kafedrasida stajyor-tadqiqotchi, 1997—2001-yillarda „Matematika va uni o‘qitish metodikasi“ kafedrasi aspiranti, 2001—2004-yillarda Toshkent davlat iqtisodiyot universiteti qoshidagi Chilonzor akademik litseyida matematika o‘qituvchisi hamda ilmiy-uslubiy ishlar bo‘yicha direktor oʻrinbosari, 2006—2008-yillarda Toshkent davlat pedagogika universiteti „Gumanitar fakultetlarda matematika“ kafedrasi dotsenti, 2008—2011-yillarda „Gumanitar fakultetlarda matematika“ kafedrasi mudiri, 2011—2014-yillarda „Boshlang‘ich taʼlim metodikasi“ kafedrasi mudiri, 2014—2016-yillarda „Boshlang‘ich taʼlim va jismoniy madaniyat“ fakulteti dekani, 2016—2018-yillarda Toshkent davlat pedagogika universiteti ilmiy ishlar bo‘yicha prorektor lavozimida faoliyat ko‘rsatgan. 2018-yildan Toshkent davlat pedagogika universiteti ilmiy ishlar va innovatsiyalar bo‘yicha prorektori lavozimida ishlab kelmoqda^[1]^[2]. Shuningdek, 2022-yildan Toshkent shahar „Oqila ayollar“ harakati yetakchisi^[3].

Oilasi

Oilali. Uch nafar farzandi bor^[1].

Ilmiy faoliyati

Barno Abdullayeva 2002-yilda „Akademik litsey talabalarining matematik tafakkurini rivojlantirish (Umumlashtiruvchi darslar misolida)“ mavzusida nomzodlik dissertatsiyasini, 2006-yilda „Fanlararo aloqadorlikning metodologik-didaktik asoslari (Ijtimoiy-gumanitar turkumdagi akademik litseylarda matematika o‘qitish misolida)“ mavzusida doktorlik dissertatsiyasini himoya qilgan. 2003-yilda pedagogika fanlari nomzodi, 2007-yilda pedagogika fanlari doktori ilmiy darajasini, 2005-yilda dotsent, 2011-yilda professor ilmiy unvonini olgan. 2022-yil „Bo‘lajak o‘qituvchilar o‘quv-ilmiy faoliyati motivatsiyasining psixofiziologik determinantlari“ mavzusida doktorlik dissertatsiyasini himoya qilib, psixologiya fanlari doktori (DSc) ilmiy darajasini olgan^[4]^[5]. Olima 30 ta darslik va oʻquv qoʻllanma, 10 ta monografiya, 200 dan ortiq ilmiy maqolalar muallifidir^[1].

Unvon va mukofotlari

„Oʻzbekiston Respublikasi xalq taʼlimi aʼlochisi“ koʻkrak nishoni (2014)^[2];
„Oʻzbekiston Respublikasi mustaqilligiga 25 yil“ esdalik nishoni (2016)^[2];
„Oʻzbekiston Respublikasi mustaqilligining 30 yilligi“ esdalik nishoni (2021);
„Qoraqalpogʻiston Respublikasi xalq taʼlimi aʼlochisi“ koʻkrak nishoni (2021);
„Xalq taʼlimi fidoyisi“ koʻkrak nishoni (2021);
„Yil ayoli“ milliy tanlovi „Yilning eng faol olima ayoli“ nominatsiyasi gʻolibi (2021)^[6];
Turon fanlar akademiyasi akademigi (2022).

Manbalar

↑ ^1,0 ^1,1 ^1,2 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342-bet.
↑ ^2,0 ^2,1 ^2,2 „Barno Sayfutdinovna Abdullayeva“. 2023-yil 21-iyulda asl nusxadan arxivlangan. Qaraldi: 2023-yil 21-iyul.
↑ „O‘zbekiston Respublikasi Vazirlar Mahkamasining Qaroriga asosan, Toshkent shahrida «Oqila ayollar» harakati faoliyati tashkil etish uchun yig‘ilish bo‘lib o‘tdi.“ (2022-yil 6-sentyabr). 2023-yil 21-iyulda asl nusxadan arxivlangan. Qaraldi: 2023-yil 21-iyul.
↑ „Abdullaeva Barno Sayfutdinovnaning fan doktori (DSs) dissertatsiyasi himoyasi haqida e’lon“ (2022-yil 5-dekabr).
↑ „Abdullayeva Barno Sayfutdinovnaning psixologiya fanlari doktori (DSc) dissertatsiya ishi himoyasi to‘g‘risida“ (2022-yil 6-dekabr).
↑ „“Yil ayoli”: Mudofaa vazirligi vakili tanlovning Toshkent shahar bosqichi gʻoliblari safida“ (2021-yil 3-dekabr). 2023-yil 21-iyulda asl nusxadan arxivlangan. Qaraldi: 2023-yil 21-iyul.

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

[:1-1] 1,0 ^1,1 ^1,2 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342-bet.

[:0-2] 2,0 ^2,1 ^2,2 „Barno Sayfutdinovna Abdullayeva“. 2023-yil 21-iyulda asl nusxadan arxivlangan. Qaraldi: 2023-yil 21-iyul.

[3] „O‘zbekiston Respublikasi Vazirlar Mahkamasining Qaroriga asosan, Toshkent shahrida «Oqila ayollar» harakati faoliyati tashkil etish uchun yig‘ilish bo‘lib o‘tdi.“ (2022-yil 6-sentyabr). 2023-yil 21-iyulda asl nusxadan arxivlangan. Qaraldi: 2023-yil 21-iyul.

[4] „Abdullaeva Barno Sayfutdinovnaning fan doktori (DSs) dissertatsiyasi himoyasi haqida e’lon“ (2022-yil 5-dekabr).

[5] „Abdullayeva Barno Sayfutdinovnaning psixologiya fanlari doktori (DSc) dissertatsiya ishi himoyasi to‘g‘risida“ (2022-yil 6-dekabr).

[6] „“Yil ayoli”: Mudofaa vazirligi vakili tanlovning Toshkent shahar bosqichi gʻoliblari safida“ (2021-yil 3-dekabr). 2023-yil 21-iyulda asl nusxadan arxivlangan. Qaraldi: 2023-yil 21-iyul.

[1]

[2]

[3]

[4]

[5]

[6]