Baliq (naqsh)

Vikipediya, ochiq ensiklopediya
Jump to navigation Jump to search

Baliq — oʻzbek xalq amaliy sanʼatida keng tarqalgan naqsh. Ustalar qadimdan buyumlarga turli hayvon va jonivorlarni yoki ular tanasi qismlarining ("mol koʻzi", "bulbul koʻzi", "qush qanoti" kabi) shaklini chizish, naqsh berishni rasm qilgan. B. nomi bilan bogʻliq naqshlar ham shular jumlasidandir. Kulollar B. dumini eslatuvchi "Baliq dumi", B. tumshugʻini eslatuvchi "Baliq tumshuq" kabi naqshlarni sopol idishlarga tushiradilar. Pichoqsozlar esa pichoq dastasini, asosan B. koʻzini eslatuvchi "Baliq koʻzi" naqshi bilan bezaydilar: bunda pichoq dastasi oʻyilib, unga oq, koʻk yoki kizil koʻzlar qadab, atrofiga jez va mis halqachalar oʻrnatiladi. B. naqshlar buyumga koʻrk bagʻishlaydi.

Adabiyotlar[tahrir]

  • OʻzME. Birinchi jild. Toshkent, 2000-yil