Bakterial oʻgʻitlar

Vikipediya, ochiq ensiklopediya
Jump to navigation Jump to search

Bakterial oʻgʻitlar – tarkibida ekinlar uchun foydali tuproq mikroorganizmlari boʻlgan preparatlar. Bakterial oʻgʻitlar tuproqqa solinganda oʻsimlik ildizi zonasida biokimyoviy jarayonlarni kuchaytiradigan va oʻsimlikning ildiz orqali oziqlanishini yaxshilaydigan mikroorganizmlar manbai hosil boʻladi. Bakterial oʻgʻitlar mikroorganizmlari oʻsimliklarning azot, fosfor va boshqa elementlar bilan taʼminlanishini yaxshilaydi. Ular oʻsimliklar uchun zarur biologik faol moddalar (auksinlar, vitaminlar va boshqalar)ni sintez qilish qobiliyatiga ega. Bundan tashqari, Bakterial oʻgʻitlar kasallik tugʻdiruvchi zamburugʻlarning kushandasi boʻlib, oʻsimliklarni kasallanishdan saqlaydi. Oʻzbekiston qishloq xoʻjaligida 1935 yildan boshlab qoʻllanilgan. B.oʻ.dan azotobakterin, nitragin, fosforobakterin va boshqa ishlatiladi. Urugʻlik ekish oldidan Bakterial oʻgʻitlar bilan dorilanadi Bakterial oʻgʻitlar quruq binoda 0" dan 10° gacha haroratda zavod idishlarida saqlanadi va bir mavsum davomida foydalaniladi.[1]

Manbalar[tahrir]

  1. "Bakterial oʻgʻitlar" OʻzME. B-harfi Birinchi jild. Toshkent, 2000-yil