Azizxon Poʻlatovich Qayumov

Azizxon Poʻlatovich Qayumov
Shaxsiy maʼlumotlari
Tavalludi	19-iyun 1926-yil(1926-06-19)
Vafoti	16-fevral 2018-yil(2018-02-16) (91 yoshda)
Mukofotlari

Azizxon Poʻlatovich Qayumov (1926.19.16, Qoʻqon — 16.02.2018) — adabiyotshunos, Oʻzbekiston Fanlar akademiyasi akademik (1995).

Oʻzbekistonda xizmat koʻrsatgan fan arbobi (1983), filol. fanlari doktori (1961). P. Qayyumovning oʻgʻli. Oʻrta Osiyo davlat universitetining sharq fakultetini tugatgan (1949). Oʻzbekiston Fanlar akademiyasi Sharqshunoslik institutida ilmiy xodim (1949—57), OʻzSSR Ministrlar Sovetida fan va oliy oʻquv yurtlari boʻyicha katta referent (1957— 58), Oʻzbekiston Fanlar akademiyasi Til va adabiyot instituti direktori (1958—61). Oʻzbekiston KP MK fan, oliy oʻquv yurtlari va maktablar boʻlimi, soʻng fan va madaniyat boʻlimi mudiri (1961—63). Oʻzbekiston Madaniyat vaziri, vazirning birinchi oʻrinbosari (1963—64), OʻzSSR Ministrlar Soveti huzuridagi Kinematografiya davlat komiteti raisi (1964—74), Toshkent madaniyat instituti rektori (1974—79), Oʻzbekiston Fanlar akademiyasi Qoʻlyozmalar instituti direktori (1979— 98), Alisher Navoiy nomidagi Adabiyot muzeyida yetakchi ilmiy xodim (1998-yildan).

Asosiy ilmiy ishlari Qoʻqon adabiy muhiti mavzuida. "Maxmur" (1956), "Hoziq" (1957), "Gʻoziy" (1959), "Saddi Iskandariy" (1975), "Alisher Navoiy" (1976, 1991), "Hayrat ulabror" (1977), "Farhod va Shirin" sirlari" (1979), "Nodir sahifalar" (1991), "Bu ohang ila boʻlgʻaysen Naqshband" (1993) kabi asarlari Apisher Navoiy hayoti va ijodiy merosini oʻrganishda muhim hissa boʻlgan. Q mashnshunoslik sohasida ham samarali ish olib borib, bir qancha oʻzbek mumtoz shoirlarining asarlarini nashrga tayyorlagan. Beruniy nomidagi Oʻzbekiston Davlat mukofoti laureati (1980). "Shuhrat" medali (1996), "Elyurt hurmati" ordeni (2003) bilan taqdirlangan.