Axaltaka ot zoti

Vikipediya, ochiq ensiklopediya
Jump to navigation Jump to search

Axaltaka ot zoti – salt miniladigan qadimiy ot zotlaridan biri.[1] Xalq seleksiyasida Janubiy Turkmanistondagi Axaltaka vohasida yashagan turkmanlarning taka qabilasi yetishtirgan. Axaltaka ot zoti quruq issiq iqlimga moslashgani, nihoyatda chopqirligi bilan ajralib turadi (poygada 1000 m masofani 1 minut 05 sekundda bosib o‘tadi).

Axaltaka ot zotining to‘shi tor, sag‘risi ixcham va cho‘zinchoq, oyoqlari nozik, chiroyli, terisi yupqa va taqir. Tusi aksariyat hollarda to‘riq, ko‘k va saman tusda bo‘ladi. Sof zot otlar ichida o‘zining ko‘rkamligi va harakatchanligi bilan ajralib turadi.

Ayg‘irlarining qarchig‘ayigacha balandligi 157 sm (ayrim hollarda 160– 165 sm), ko‘krak qafasi aylanasi 167 sm, to‘pig‘i aylanasi 19 sm. Asosan Turkmaniston va Qozog‘istonda, Rossiya, AQSHda boqiladi. Axaltaka ot zoti ishtirokida ko‘pgina chopqir ot zotlari chiqarilgan.

Manbalar[tahrir]

  1. "Axaltaka ot zoti". Oʻzbekiston milliy ensiklopediyasi. Toshkent: Oʻzbekiston milliy ensiklopediyasi. 2000–2005. 

Havolalar[tahrir]