Avlosiy
Avlosiy, Abulhoris Fayz ibn al-Xizr – “Nasoyim ul-muhabbat”da tilga olingan tasavvuf shayxi. Ibrohim bin Saʼd Alaviyning shogirdi. Alaviy uni uzlat va qanoatga irshod qilgan. Avlosiy Zunnun Misriyni izlab Misrga boradi, lekin u shu kuni vafot etgan boʻladi. Biroq Zunnunni tushida koʻrib, undan barcha savollariga javob oladi. Alisher Navoiy “Nasoyim ul-muhabbat”ga “Nafahot ul-uns”dan ushbu shayx bilan bogʻliq bobni aynan kiritgan[1][2].