Antarktida zoogeografiya oblasti

Vikipediya, ochiq ensiklopediya
Jump to navigation Jump to search

Antarktida zoogeografiya oblasti – dunyo okeani zoogeogra-fiya oblastlaridan biri, Tinch va Atlan-tik okeanlarining Antarktida qit’asi atrofidan 60° janubiy kenglikkacha bo‘lgan qismini o‘z ichiga oladi, faqat ayrim joylarda (mas, Janubiy Amerikaning Tinch okeani qirg‘oqlari bo‘ylab) bu shartli chegaradan yuqoriroq ko‘tariladi. Suv yuzasi harorati past, ko‘pincha muz bilan qoplangan. Faqat sovuq va iliq oqimlar to‘qnash keladigan subantarktida suvlarida fito- va zooplankton ko‘payishi uchun juda qulay sharoit vujudga keladi. Shuning uchun Antarktida zoogeografiya oblasti o.ga chegaradosh suvlarda kitsimonlarning ko‘p turlari yashaydi. Mo‘ylovdor kitlardan janub va pa-kana kitlar; quloqli tyulenlardan yoldor tyulen, janub dengiz mushugi; haqiqiy tyulenlardan yirik tyulen – dengiz qoploni, Uedella va Rossa tyuleni hamda nisbatan kichik, lekin ko‘p sonli krabxo‘r tyulen endemik turlar hisoblanadi. Antarktida zoogeografiya oblasti o.da uchraydigan janub dengiz fi-lining uz. 5,5 m, og‘irligi 2,5 t ga yetadi. Qushlardan pingvinlar ko‘pchilikni 543tashkil etadi. Ular orasidan imperator va qirol pingvinlari, Adeli pingvini va boshqa, gigant bo‘ron qushi, kap kabutar-chasi endemik hisoblanadi. Antarktida zoogeografiya oblasti o.da al-batroslarning bir necha turi yashaydi, dengiz sudralib yuruvchilari uchramaydi. Baliqlar va umurtqasizlarning turlari ko‘p emas, lekin ulardan anchaus balig‘i, qisqichbaqasimonlarning ayrim turlari va boshqa umurtqasizlar katta biomassa hosil qiladi. Antarktida zoogeografiya oblasti o. hayvonlari odam ta’siriga kam uchragan. Hozir Antarktida va uning sohillari yaqinida suvlar xalqaro qo‘riqxona hisoblanadi.Ad..Kobishev Antarktida zoogeografiya oblasti ,Kubansev B. S, Ge-ografiya jivotnix s osnovami zoologii, M., 1988.

Adabiyotlar[tahrir]

  • OʻzME. Birinchi jild. Toshkent, 2000-yil