Andamanlar – Andaman o.larining (Hindiston) tub aholisi. 19-asr o‘rtalarida ularning soni 5 mingga yaqin edi. Mustamlakachilar tomonidan qirib tashlangan. Hozirda bir necha yuz kishi qolgan. A.ning bir qismi kelgindi xalqlar bilan aralashib, o‘zlarining et-nik va til xususiyatlarini yo‘qotganlar. Antropologik jihatdan A negroidlarga kiradi. A.ning bo‘yi past (erkaklari 148 sm, ayollari 138 sm), sochlari jingalak, badanlari qora. A., asosan, ovchilik bilan shug‘ullanadi, an’anaviy ibtidoiy dinlarga e’tiqod qiladi.
