Alibek Buleshyev

Alibek Buleshev

Shaxsiy maʼlumot
Toʻliq ismi	Alibek Buleshev
Tavallud sanasi	9-aprel 1981-yil (1981-04-09)
Tavallud joyi	Nukus, Oʻzbekiston SSR, SSSR
Boʻyi	1.75 m (5 ft 9 in)
Ampluasi	Hujumchi
Klub maʼlumoti
Joriy klub	Aktobe Jas
Raqami	Jamoa boshligʻi
Yoshligida aʼzo boʻlgan klublar
	Qayrat
Professional faoliyati*
Yillar	Jamoa	Isht.	(Gol.)
1999	Zhetysu	14	(2)
2000—2006	Qayrat	156	(66)
2007	Aktobe	16	(1)
2007—2008	Qayrat	38	(11)
2009	Ordabasi	6	(2)
2009	Atyrau	9	(1)
2010	Taraz	11	(1)
2011—2012	Sunkar	38	(21)
2013—2016	Okzhetpes	105	(50)
2017	Ordabasi	4	(0)
2017—2018	Okzhetpes	29	(7)
Milliy terma jamoa
2002–2004	Qozogʻiston	9	(0)
Boshqargan klublari
2018	Okzhetpes
2019—	Aktobe-Jas
*Professional klublardagi gollari (ichki chempionat) (2017-yil 8-noyabr uchun)

Alibek Baxtiyarovich Buleshyev (qozoqcha: Әлібек Бақтиярұлы Бөлешов) (1981-yil 9-aprel, Nukus) – qozoq futbolchisi. Qozogʻiston terma jamoasida oʻynagan. Alibek gol urish boʻyicha Yevstafiy Paxlavanidining rekordini yangilab, „Qayrat“ futbol klubi tarixiga kirgan. Milliy chempionatning butun tarixidagi eng yaxshi toʻpurarlaridan biri. Ikki karra Qozogʻiston chempioni (2004, 2007) va Qozogʻiston kubogining ikki karra gʻolibi (2001, 2003). 2019-yilning yanvar oyidan buyon „Aktobe-Yas“ futbol klubida jamoa murabbiyi lavozimida ishlab kelmoqda.

Faoliyati

Klub

18 yoshli Alibek Buleshyev Qozogʻiston futboli Oliy ligasida 1999-yilda vatani Toldiqoʻrgʻonning „Jetisu“ klubida oʻynay boshlagan. U 14 ta oʻyin oʻtkazib, „Yekibastuz botir“iga qarshi oʻyinda dubl qayd etgan. Ammo jamoa chempionatda sovrindor oʻrinlarga ega chiqa olmagan.

Buleshyev „Qayrat“ jamoasi taklifini qabul qilgan va 2000-yildan 2006-yilgacha Qayratliklar tarkibida toʻp surgan (2001-yildan oddiygina „Qayrat“). Yetti mavsum davomida u chempionatda 156 oʻyin oʻtkazib, 66 gol urishga muvaffaq boʻlgan. 2001-yilda "Qayrat" Qozogʻiston kubogi finalida Astananing „Jenis“ jamoasiga qarshi oʻyinda (3:1) gʻalaba qozongan va Buleshyev gʻalaba toʻpini kiritgan. Alibek FFK tomonidan joriy mavsumda mamlakatning eng yaxshi chap qanot himoyachisi sifatida etirof etilgan. Keyingi Qozogʻiston kubogi 2003-yili finalda "Tobol" ga qarshi oʻyinda (3:1) qoʻlga kiritilgan. Buleshyev esa yana mamlakatning mavsumdagi eng yaxshi chap hujumchisi deb topilgan. Muvaffaqiyatli 2004-yilda klub Qozogʻiston chempioni boʻlgan va kubok finaliga chiqgan. Buleshyev liganing barcha 36 uchrashuvida maydonga tushib, 14 ta gol urgan. Kubok oʻyinlarida 7ta oʻyinda 8ta gol urgan boʻlsa-da, finalda oʻz maydonida „Taraz“ga (0:1) magʻlub boʻlishgan. Ammo Buleshyev yana mamlakatning mavsumdagi eng yaxshi chap qanot himoyachisi sifatida tan olingan. 2005-yilda ular Kubok finalida yana magʻlub boʻlishgan.

2007-yil boshida u rossiyalik murabbiy Vladimir Muxanov boshchiligida kuchayib borayotgan Aqtoʻbe klubi bilan shartnoma imzolagan. Ammo birinchi davraning 16 oʻyinida Buleshyev atigi bitta gol urgan va yozda „Qayrat“ jamoasiga qaytgan. Buleshyev 2009-yilgi mavsumni viloyatning „Ordabasi“ va „Atirau“ klublari safida harakat qilgan biroq bu jamoalarda uzoq vaqt qolmagan. 2010-yilda u birinchi davrada „Taraz“ safida oʻynagan, keyin esa sportni tark etishini eʼlon qilgan.

Biroq 2011-yilda Buleshyev Birinchi liga klubi Kaskelen Sunkar bilan shartnoma imzolagan. 24 ta oʻyin oʻtkazib, 21 ta gol urishga muvaffaq boʻlgan va klubga birinchi marta Premyer-ligaga chiqishga yordam bergan. Ammo Premyer-ligada mavsum yaxshi oʻtmagan va klub yana Birinchi ligaga tushib ketgan.

2013-yilda murabbiy Serik Abdualiyev taklifiga koʻra Koʻkshetauning Birinchi ligadagi „Oqjetpes“ klubi bilan shartnoma imzolagan. 2014-yilgi mavsumda Buleshyev 26 oʻyin oʻtkazib, 22 gol urgan va bu klubga Premyer-ligaga chiqishga yordam bergan.

2015-yilgi mavsumda Premyer-ligada 29 oʻyin oʻtkazib, 8 gol urishga muvaffaq boʻlgan. 2016-yilgi mavsumda u faoliyati davomida 100 ta gol urishni oʻz oldiga maqsad qilib qoʻygan. 23 uchrashuvda Alibek 6 ta gol urib, 98 ta gol bilan maqsadiga yaqin kelgan. Ammo 2016-yilning sentyabrida „Oqjetpes“ning bir qator muvaffaqiyatsizliklaridan soʻng jamoaning toʻrt nafar faxriysi, jumladan Buleshyev ham klub safidan chetlatilgan. Buleshyev „Ordabasi“ safida oʻynash uchun Chimkentga borgan, biroq u yerda yetarlicha oʻyin amaliyotiga ega boʻlmagan. 2017-yilning iyun oyida murabbiy Vladimir Muxanov klubni tark etganidan keyin Alibek Oqjetpesga qaytgan. 26-iyul kuni u mehmonda „Atirau“ darvozasiga gol urdi va nihoyat, 2017-yil 17-sentyabrda Qarag'andaning „Shaxtyor“ jamoasi bilan oʻyinda Buleshuev jamoa sardori sifatida Qozogʻiston chempionatidagi 100-golini kiritgan. Umuman olganda, u ikkinchi davrada 14 ta oʻyin oʻtkazib, ikkita gol urgan. Ammo „Oqjetpes“ oliy ligada soʻnggi oʻrinni egallab, Birinchi ligaga tushib ketdi. 2018-yil yanvar oyida Buleshyev Sinegorsk bilan yangi shartnoma imzolagan va 4 yil oldingi kabi klubni yana Premyer-ligaga qaytarish vazifasini qoʻygan. 2018-yilning 1-avgustida soʻnggi ikki gʻalabali oʻyinda penaltidan gol urgan Buleshyev 37 yoshida kutilmaganda oʻzining „Oqjetpes“i birinchi ligada ikkita oʻyindan soʻng ishonchli peshqadamlik qilayotgan bir paytda futbolchilik faoliyatini yakunlashga qaror qilgan. Keyinroq futbolchi klub direktori Erlan Botembayev va Kokshetau shahri hokimi Ermek Marjikpayevning jamoa yetakchisi sifatidagi tajribasini yosh futbolchilarga oʻrgatish maqsadida jamoada qolish iltimosiga koʻra futbolchilik faoliyatini yakunlaganini eʼlon qilgan. Uning „Oqjetpes“ klubi esa turnir yakunlanishiga bir tur qolganda muddatidan oldin gʻolib boʻlgan va oliy ligaga qaytishi maʼlum boʻlgan. 2019-yilning yanvar oyidan Alibek Buleshyev „Aktobe-Yas“ jamoasi rahbari etib tayinlangan.

Terma jamoadagi faoliyati

2002—2004-yillarda Qozogʻiston terma jamoasida oʻynagan, 9 oʻyin oʻtkazgan, ammo gol urishga muvaffaq boʻlmagan. 2015-yilgi mavsumda u oliy ligada „Oqjetpes“ darvozasiga 8 ta gol urgan va bu terma jamoa bosh murabbiyi Yuriy Krasnojan eʼtiborini tortgan.

Havolalar

• Alibek Buleshyev National-Football-Teams.com saytida
• Alibek Buleshyev Soccerway saytida