Aleksandr Volkov

Vikipediya, ochiq ensiklopediya
Aleksandr Volkov
Haqiqiy ismiAlexander Nikolaevich Volkov
Tavalludi 1886-yil, 31-avgust, Fargʻona
Vafoti 957-yil, 17-dekabr
Toshkent, Sovet Ittifoqi
Millati Rossiya imperiyasi, Sovet Ittifoqi
Ta'limi Imperator sanʼat akademiyasi, Kiev sanʼat maktabi
Mukofotlari Oʻzbekiston SSR xalq artisti

Aleksandr Nikolayevich Volkov (1886.19.8, Fargʻona −1957.17.12, Toshkent) — Oʻzbekistan xalq rassomi (1946). Toshkent rassomlik bilim yurtida oʻqituvchi (1919—46). Ijodini rangtasvir asarlar chizish bilan boshlagan („Anorli choyxona“, 1924, Tretyakov galereyasida), „Tuyalar sahroda“, „Sozandalar“, „Ona“, „Qozoq qizi“ (hammasi —1926, Moskvada, rassomning oilasida), „Terimchi qizlar“ (1932, Tretyakov galereyasida), „Temirchining ustaxonasi“ (1929), „Shohimardonda tush payti“ (1933, ikkalasi Arxangelsk Tasviriy sanʼat muzeyida) asarlarida Oʻzbekistan manzaralari va kishilarini gavdalantirgan. Asarlarida milliy harakter, mehnatsevarlik, hayot shavqi aks ettirilgan („Brigadaning dalaga chiqishi“, 1932—33; „Yoʻlsizlikka hujum“, 1932—34, ikkalasi Qoraqalpogʻiston sanʼat muzeyida; „Ekskavatorlarni yigʻish“, 1935, Oʻzbekiston sanʼat muzeyida). Manzaralar (Fargʻona koʻrinishlari aks ettirilgan „Togʻ qishlogʻi“ turkumi, 1926—27), portretlar (Hamza, 1946—56, Qoraqalpogʻiston sanʼat muzeyida; avtoportretlar, 1934, 1944, Oʻzbekiston sanʼat muzeyida), natyurmortlar („Dala gullari“, 1955, Oʻzbekiston sanʼat muzeyida) ham yaratgan.

A. Volkov. „Avtoportret“ (1939).

Adabiyotlar[tahrir | manbasini tahrirlash]

  • OʻzME. Birinchi jild. Toshkent, 2000-yil