Aleksandr Ribnik
| Aleksandr Ribnik | |
|---|---|
| Tugʻilgan sanasi | 5-fevral 1922-yil |
| Tugʻilgan joyi | Yefremov |
| Vafot sanasi |
29-sentyabr 2013-yil (91 yoshda) |
| Vafot joyi | Hayfa |
| Fuqaroligi |
 SSSR →  Oʻzbekiston →  Isroil |
| Kasbi | teatr tanqidchisi, teatr oʻqituvchisi |
| Mukofotlari |
   |
Aleksandr Mixaylovich Ribnik (1922-yil 5-fevral, Yefremov – 2013-yil 29-sentyabr, Hayfa) – sovet, oʻzbek, isroillik teatr tanqidchisi. Sanʼatshunoslik fanlari nomzodi, professor[1].
Hayoti[tahrir | manbasini tahrirlash]
Aleksandr Mixaylovich Ribnik 1922-yil 5-fevralda Rossiyaning Yefremov shahrida tugʻilgan. Bolaligi va yoshligi Moskvada oʻtgan. 1940-yilda Rossiya teatr sanʼati institutining teatrshunoslik boʻlimiga oʻqishga kirgan.
Institutning birinchi kursini tamomlagandan soʻng, 1941-yil avgust oyida ixtiyoriy ravishda Moskva komsomol aʼzolarining qiruvchi batalyoniga qoʻshildi[2]. 29-oktyabrda u Moskva yaqinidagi janglarda ogʻir yaralangan. 1941-yil noyabr oyida tuzalib ketganidan soʻng, Ulugʻ Vatan urushi frontlarida Qizil Armiya safida jang qildi (pulemyotchi, otryad boshligʻi va razvedka vzvod komandirining yordamchisi)[2]. 1942-yil sentyabr oyida yana ogʻir yarador boʻldi. Tuzalib ketgach, 1943–1944-yillarda V.M.Molotov nomidagi Dengiz Aviatsiya Texnikumida (VMATU) oʻqidi. 1944-yildan Boltiq floti havo kuchlarining 53-aralash aviatsiya polkida fotolaborator boʻlib xizmat qildi[2].
Aleksandr Mixaylovich Ribnik 1946-yil sentyabr oyi boshida kichik serjant unvoni bilan demobilizatsiya qilindi[3]. 1950-yilda GITISni tugatdi va GITISning kunduzgi aspiranturasiga oʻqishga kirdi. 1951-yildan GITIS va Nemirovich-Danchenko nomidagi maktabda dars bera boshladi.
1954-yilda Toshkentga koʻchib keldi. 1954–1957-yillarda Hamza nomidagi Toshkent sanʼatshunoslik institutining Teatr va xoreografiya kafedrasi mudiri, 1957–1992-yillarda esa direktori oʻrinbosari boʻlib ishladi. Shu bilan birga 1955–1995-yillarda A.N.Ostrovskiy nomidagi Toshkent teatr va rassomlik institutida ham dars berdi. U 1961-yilda KPSS aʼzoligiga qabul qilindi.
Aleksandr Mixaylovich Ribnik 1995-yilda Isroilga joʻnab ketdi. Hayfada ilmiy maʼruzalar oʻqidi va bir qator maqolalar ham chop etdi.
U 2013-yil 29-sentyabrda Isroilning Hayfa shahrida vafot etdi.
Oilasi[tahrir | manbasini tahrirlash]
Qizi – Tatyana Aleksandrovna Ribnik, teatr mutaxassisi[4].
Mukofotlari[tahrir | manbasini tahrirlash]
- Qizil Yulduz ordeni (1945-yil 13-aprel)[2].
- „1941–1945-yillarda Germaniya ustidan qozonilgan gʻalaba uchun“ medali (1946-yil 18-avgust)[3].
- Birinchi darajali Vatan urushi ordeni (1986-yil 1-avgust)[5].
Manbalar[tahrir | manbasini tahrirlash]
- ↑ Ильхом — Театр Марка Вайля.
- ↑ 2,0 2,1 2,2 2,3 „Рыбник Александр Михайлович 1920 г.р.“. № записи: 51008577. Подвиг народа. 2021-yil 1-yanvarda asl nusxadan arxivlangan. Qaraldi: 2016-yil 10-iyul.
- ↑ 3,0 3,1 „Рыбник Александр Михайлович“. № записи: 1537743223. Подвиг народа. 2021-yil 1-yanvarda asl nusxadan arxivlangan. Qaraldi: 2016-yil 10-iyul.
- ↑ Письма о Ташкенте.
- ↑ „Рыбник Александр Михайлович“. № записи: 1519502777. Подвиг народа. 2021-yil 1-yanvarda asl nusxadan arxivlangan. Qaraldi: 2016-yil 10-iyul.
Havolalar[tahrir | manbasini tahrirlash]
- „Рыбник Александр Михайлович“. Театр и его история. Qaraldi: 2016-yil 10-iyul.
- „Александр Михайлович Рыбник“. Письма о Ташкенте (2014-yil 7-fevral). Qaraldi: 2016-yil 10-iyul.
- „Скончался Александр Михайлович Рыбник“. Ильхом — Театр Марка Вайля. Qaraldi: 2016-yil 10-iyul.
- 5-fevralda tugʻilganlar
- 1922-yilda tugʻilganlar
- 29-sentyabrda vafot etganlar
- 2013-yilda vafot etganlar
- Vatan urushi 2-darajali ordeni sohiblari
- Vatan urushi ordeni sohiblari
- Qizil Yulduz ordeni sohiblari
- „1941-1945-yillardagi Ulugʻ Vatan urushida Germaniya ustidan qozonilgan gʻalaba uchun“ medali sohiblari