Alban milliy kiyimlari

Alban milliy kiyimlari (albancha: Veshjet Tradicionale Shqiptare; Veshjet Kombëtare; Veshjet Popullore or Kostumet Kombëtare) – barcha Albaniya va alban tilida soʻzlashadigan hududlar va jamoalarda 500 dan ortiq turli xil kiyimlarni oʻz ichiga oladi. Albaniyaning kiyim-kechak tarixi klassik davrlarga borib taqaladi. Bu xalqni boshqa Yevropa davlatlaridan ajratib turuvchi omillardan biri boʻlib, u Illiriya davriga borib taqaladi.

Mamlakatdagi deyarli har bir madaniy va geografik mintaqada oʻziga xos kiyim-kechak turlari mavjud boʻlib, ular tafsilotlari, materiali, rangi va shakli jihatidan farq qiladi. Alban milliy liboslari koʻpincha quyosh, burgut, oy, yulduz va ilon kabi illiriya antiqa butparastlik ramziy elementlari bilan bezatilgan. Matolar anʼanaviy ravishda toʻquv dastgohlari yordamida toʻqish orqali tayyorlanadi. Bugungi kunga kelib, baʼzi konservativ keksa erkaklar va ayollar, asosan, shimol taraflarda kundalik hayotlarida anʼanaviy kiyimlar kiyib yurishadi. Janubdan kelgan keksa ayollar esa odatda qora libos kiyishadi. Erkaklar va oʻgʻil bolalar esa taytlarga oʻxshash uzun oq yubkalar va uzun paypoqlar kiyishadi.

Albaniyaga oid kiyimlar

Xhamadan

Xhamadan anʼanaviy yelek boʻlib, uni butun Albaniyada, Kosovoda hamda Shimoliy Makedoniyadagi albanlar, Serbiyadagi albanlar, Chernogoriyadagi albanlar va Italiyaning Arbëresh qishloqlarida kiyadilar.

Brez

Brez anʼanaviy belbogʻlar boʻlib, ular Albaniya, Kosovo, Shimoliy Makedoniya, Serbiya, Chernogoriya va Italiyaning Arbëresh qishloqlarida alban erkaklari tomonidan kiyiladi.

Çorape

Çorape anʼanaviy paypoq boʻlib, butun Albaniya, Kosovo, Shimoliy Makedoniya, Serbiya, Chernogoriya va Italiyaning Arbëresh qishloqlarida alban erkaklari kiyadilar.

Opinga

Opinga (albancha talaffuzi: [ɔˈpiŋɡa]) anʼanaviy poyabzal boʻlib, butun Albaniya, Kosovo, Shimoliy Makedoniya, Serbiya, Chernogoriya va Italiyaning Arbëresh qishloqlarida alban erkaklari kiyadilar.

Galereya

Albaniya milliy kiyimlaridan naʼmunalar

• 
• 
• 
• 
• 
• 
• 
• 
• 
• 
• 

Havolalar

• Andromaqi, Gjergj. Albanian Costumes Through the Centuries: Origin, Types, Evolution. Mësonjëtorja, 2004. ISBN 978-99943-614-4-1. 
• Andromaqi, Gjerjgi. Albanian Folk Costumes. Instituti i Kulturës Popullore, Departamenti Etnologjisë, 1999. ISBN 978-99927-654-6-3.