Agrotuproq rayonlashtirish

Vikipediya, ochiq ensiklopediya
Jump to navigation Jump to search

Agrotuproq rayonlashtirish – mintaqalarni o‘simliklarning o‘sishi va rivojlanishiga ta’sir ko‘rsatuvchi tuproq xususiyatlari, iqlim va gidrogeologik sharoitlari, litologik-geomorfologik tuzilishi va ba’zi boshqa belgilari (eroziya, sho‘rlanish) ga, shuningdek qishloq xoʻjaligi ishlab chiqarishining o‘ziga xosligiga ko‘ra hududlarga ajratish (qarang Tuproqni rayonlashtirish). O‘zbekistonda Agrotuproq rayonlashtirish ning ilmiy asoslari 30-yillarda yaratilgan. Obikor dehqonchilik sharoitida Agrotuproq rayonlashtirish uchun tuproqlarning kelib chiqishi bilan bir qatorda shu tuproqning qachondan beri sug‘orilishi, madaniylashganlik darajasi, shuningdek eroziya, ikkilamchi sho‘rlanish, sho‘rxoklik, toshloqlik, botqoqlik kabi qishloq xoʻjaligiga noqulay holatlarning namoyon bo‘lish darajasi ham hisobga olinadi. Agrotuproq rayonlashtirish qishloq xo‘jaligi ishlab chiqarishini to‘g‘ri tashkil qilish, jumladan o‘stiriladigan ekinlarni rayonlashtirish, agronomik va meliorativ tadbirlarni rejalashtirish hamda amalga oshirish, agrotexnik va sug‘orish usullarini to‘g‘ri tanlash, mashinalar tizimini ishlab chiqish va sh.k. uchun zarur. Agrotuproq rayonlashtirish qo‘yilgan maqsadlarga qarab turli aniqlikda ishlab chiqiladi. Sxematik Agrotuproq rayonlashtirish da katta rayonlar ajratilib, bu yerda ko‘p tarkalgan tuproq tiplari, agrotexnik va boshqa usullar samaradorligini ta’minlaydigan yaxlitlangan tabiiy ko‘rsatkichlar va asosiy meliorativ tadbirlar ko‘rsatiladi.

Adabiyotlar[tahrir]

  • OʻzME. Birinchi jild. Toshkent, 2000-yil