Afalina

Vikipediya, ochiq ensiklopediya
Jump to navigation Jump to search

Afalina, qora delfin (Tursiops trunsotus) – kitsimonlar turkumi del-finlar oilasining bir turi. Uz. 3,9 m, og‘irligi 280 kg gacha;xdanasining orqa tomoni qora, qorin tomoni oq. Mo‘’tadil va iliq suvli dengizlarda tarqalgan. Qora, Boltiq va Uzoq Sharq dengizlarida ham yashaydi. O‘troq hayot kechiradi yoki kichik tuda bo‘lib ko‘chib yuradi. Baliqlar, mollyuskalar va boshqa suv hayvonlari bilan oziqlanadi. Homiladorlik davri 11 oy, tug‘ilgan bolasining uz. 1–1,2 m, og‘irligi 14–16 kg, 5–6 oy emizadi. A. okeanariumlarda boqiladi, qo‘lga tez o‘rganadi, tutqinlikda ham ko‘payaveradi. Uni turli harakatlarni bajarishga oson o‘rgatish mumkin. Gavay okeanariumida A. bilan taroqtishli delfin (Steno bredanensis) chatishtirilib urug‘lararo gibrid olingan. Yaponiya delfinariyalarida A.ning kulrang delfin va kasat-kalar bilan gibridlari olingan. Qora dengiz A.si muhofaza qilinadi, uni ovlash 1966 yildan boshlab man etilgan.

Adabiyotlar[tahrir]

  • OʻzME. Birinchi jild. Toshkent, 2000-yil