Abulgʻarib Isfahoniy
Abulgʻarib Isfahoniy – “Nasoyim ul-muhabbat”da tilga olingan tasavvuf shayxi. Ishqda ayni jamʼ maqomiga yetishgan zotlardan boʻlgan. Bu maqom haqida koʻp soʻzlagani uchun uni “hululiy” (ilohiy zot inson jismiga joylashadi, degan botil aqida tarafdorlaridan) deb ayblaganlar. Shayx Roʻzbehon Buqliy Sheroziy “Sharhi shathiyot” asarida bu ayblovni rad etgan. Shayx Abu Abdulloh Xafif Sheroziyning yaqin doʻstlaridan boʻlgan. Alisher Navoiy “Nasoyim ul-muhabbat”ga “Nafahot ul-uns”dan ushbu shayx bilan bogʻliq bobni qisqartirib kiritgan[1][2].