Abdulxaq Xalikov

Abdulxaq Xalikov
Tavalludi	1-mart 1948-yil (1948-03-01) Toshkent, Oʻzbekiston SSR
Fuqaroligi	Oʻzbekiston
Ish joylari	Toshkent davlat transport universiteti
Taʼlimi	Toshkent politexnika instituti
Ilmiy darajasi	texnika fanlari doktori
Ilmiy unvoni	professor

Abdulxaq Abdulxairovich Xalikov (1948-yil 1-mart, Toshkent, Oʻzbekiston SSR) — oʻzbekistonlik olim, texnika fanlari doktori, professor.

Biografiyasi

Abdulxaq Xalikov 1948-yil 1-mart Toshkent shahrida ishchi oilasida tavallud topgan. 1967—197-yillarda Toshkent politexnika institutida oʻqigan. 1966—1971-yillarda Toshkent televizion markazi elektromexanigi, 1971—1973-yillarda Toshkent politexnika instituti muhandisi, 1973—1974-yillarda harbiy xizmatda, 1974—1979-yillarda Toshkent politexnika instituti assistenti, aspiranti, 1979—1982-yillarda Toshkent politexnika instituti katta oʻqituvchisi, 1982—1998-yillarda Toshkent davlat texnika universiteti radio texnika va radio tizimlari kafedrasi mudiri, 1998—1999-yillarda Toshkent davlat texnika universiteti professori, 1999—2018-yillarda Toshkent temir yoʻl muhandislari instituti elektr aloqa va radio kafedrasi mudiri, professori, kafedra mudiri vazifasini bajaruvchisi, 2018—2019-yillarda Toshkent temir yoʻl muhandislari instituti temir yoʻl transporti avtomatika va telemexanika kafedrasi mudiri vazifasini bajaruvchisi, 2019-yilda Toshkent temir yoʻl muhandislari instituti temir yoʻl transporti avtomatika, telemexanika va telekommunikatsion texnologiyalar kafedrasi mudiri vazifasini bajaruvchisi, 2019—2020-yillarda Toshkent temir yoʻl muhandislari instituti temir yoʻl transportida avtomatika, telemexanika va telekommunikatsiya texnologiyalari kafedrasi professori, 2020-yildan Toshkent davlat transport universiteti radioelektron qurilmalar va tizimlar kafedrasi professori.

Ilmiy faoliyati

1983-yili „Koʻp turgʻunli chastotaviy elementlarni tadqiq etish va yaratish“ mavzusida nomzodlik dissertatsiyasini himoya qildi. 500 dan ortiq ilmiy va ilmiy-uslubiy ishlar, shulardan 4 ta darslik, 10 ta monografiya, 34 ta oʻquv qoʻllanma, 320 ta ilmiy ishlar va 118 ta oʻquv-uslubiy ishlar, 8 ta mualliflik guvohnomasi, 6 ta patent muallifi. 2014-yildanOʻzbekiston Respublikasi Vazirlar Mahkamasi huzuridagi Oliy Attestatsiya komissiyasida Texnika yoʻnalishi boʻyicha ekspert kengashi raisining oʻrinbosari. Xalqaro aloqa akademiyasining akademigi. 2021-yilda (Qozogʻiston Respublikasining Nursulton shahrida) Hamdoʻstlik mamlakatlararo oʻtkazilgan ta’limda eng yaxshi pedagog koʻrik tanlovida 1-oʻrinni egallagan.