13 (film)

13
Rejissyor(lar)	Géla Babluani
Prodyuser(lar)	Rick Schwartz Aaron Kaufman Valerio Morabito
Ssenariynavis(lar)	Géla Babluani Gregory Pruss
Rollarda	Sam Riley Ray Winstone 50 Cent Mickey Rourke Jason Statham
Bastakor(lar)	Alexander Bubenheim
Kinematografiya	Michael McDonough
Muharrir(lar)	Géla Babluani David Gray
Studiya(lar)	Magnet Media Group Overnight Films Barbarian Films Morabito Picture Company
Distribyutor	Anchor Bay Films
Chiqarilgan sanasi	2010
Davomiyligi	97 minut
Mamlakat	AQSh
Til	inglizcha
Daromadi	$3,317,662

13 — 2010-yilda suratga olingan oʻtkir syujetli film.

Mazmuni

Vincent Ferro ismli yigit elektrik boʻlib ishlaydi. Uning otasi kasalxonada ogʻir ahvolda va davolash uchun katta pul sarflandi, hattoki uyni garovga qoʻyishga toʻgʻri keldi. Yetishmovchilik tufayli oʻqishdan ham haydaldi. Shahardagi xonadonlardan birida buyurtmani bajarayotgan Vincent tasodifan tez va oson katta pul ishlab olish mumkinligi haqidagi gapni xonadon egasidan eshitib qoladi. Yagona shart — ushbu xonadon egasiga kelgan chiziqli konvertdagi qoʻllanmani aniq ado etish. Xonadon egasi, ashaddiy giyohvand, Vincentning koʻz oldida oʻlib qoladi. Vincent uning nomiga kelgan xatni qoʻlga kiritadi va paytdan foydalanib, hali oʻlgan odamni oʻrniga xatda aytilgan manzilga boradi. Vincent oʻzi bilmagan holda „oʻlim halqasi“ga oʻxshash tavakkal oʻyin ishtirokchisiga aylanib qoladi. Uning qoʻliga 13 raqami beriladi va bu bilan u 13-raqamli ishtirokchiga aylanadi. Oʻyin shahardagi uyushgan jinoiy guruh tomonidan boshqariladi. Guruhning aʼzolari har biri oʻzlari uchun ishtirokchi tanlab oladi va u uchun katta pul tikadi. Bu oʻyinning sharti shunday: 17 nafar jonidan toʻygan ishtirokchilar, doira boʻlib, bir-birlarining boʻyinlariga revolverni tirab turadilar. Oʻyin uch raund va finaldan iborat: 1-raundda har bir revolver patroniga bittadan oʻq solinadi. 2-raundda 2 ta. Signal berilishi bilan qatnashchilar patronni aylantiradilar va bir-birlariga qarata oʻq uzadilar. 3-raundda jinoiy guruh aʼzolari tomonidan tirik qolgan ishtirokchilarning raqamlari yashiringan oq va qora sharlar tanlanadi. Oq sharga ega aʼzolar va ishtirokchilar oʻyinni tark etadilar. Qora sharga ega ikki aʼzolar finalda qatnashadilar. Shunday qilib, 13 va 17 raqamli ishtirokchilar finalda bir-birlarining peshonalariga qarata oʻq uzadilar. 17 raqamli ishtirokchi oʻladi va 13 gʻolib deb eʼlon qilinadi. 13 raqamdagi Vincent oʻzining taqdiri sovgʻa qilgan yutuqni (3.5 million dollar) sumkaga solib, qochib ketadi. 17 raqamli ishtirokchiga pul tikkan guruh aʼzosi (Jasper) Vincentdan qasos olish niyatida yuradi. Vincent pullarni deyarli hammasini onasiga pochta orqali joʻnatib yuboradi va telefonda tez orada uyga qaytishini aytadi. Yelkasiga pullar oʻrniga oʻyinchoq solingan sumkani ilib, poyezd vagonlaridan biriga kiradi va u yerda Jasperni koʻrib qoladi. Qochmoqchi boʻlayotgan Vincentni Jasper otib oʻldiradi va uning sumkasini olib, qochib ketadi. Yaralangan Vincent jon holatda pochta kvitansiyasini yutib yuboradi va joni uziladi.

Rollarda

• Sam Riley — Vincent
• Ray Winstone — Ronald Lynn, oʻyin instruktori
• Curtis Jackson — Jimmy, jinoiy guruh aʼzosi
• Mickey Rourke — Patrick Jefferson, 17 raqam
• Jason Statham — Jasper, jinoiy guruh aʼzosi.
• David Zayas — detektiv.
• Emmanuelle Chriqui — Vincentning onasi.
• Michael Shannon — Henry, qatnashchi.
• Ben Gazzara — Schlondorff, jinoiy guruh aʼzosi.