Б (kirill)

Б — oʻzbek Kirill alifbosining ikkinchi harfi. Lab undosh tovushni ifodalaydi, jarangli va portlovchi. Soʻzda jarangsiz undosh oldida, soʻz oxirida jarangsiz (p) talaffuz etiladi (mas: kitobkitop, oʻqib-oʻqip va hokazo)- Baʼzan m tovushi bilan almashinadi (mas: buyum-muyum, bayram-mayram va h.k.). 1929—39 yillarda amalda boʻlgan oʻzbek lotin alifbosi va 1995 yilda qabul qilingan keyingi oʻzbek lotin alifbosidagi ikkinchi harf V koʻrinishiga ega. Jahon yozuvi tarixida turkiy xalqlar, shu jumladan oʻzbek xalqi uchun umumiy boʻlgan yozuvlarda B. harfi oʻziga xos shaklda boʻlgan.