Marupov Zubaydullo

Marupov Zubaydullo
Tavalludi	1914 Samarqand, Rossiya imperiyasi
Vafoti	6-noyabr, 1964-yil Samarqand, Oʻzbekiston SSR, SSSR
Fuqaroligi	Rossiya → SSSR
Xizmatdagi yillari	1939-1946
Jang/urush	Ikkinchi jahon urushi
Mukofotlari	"Shuhrat" ordeni

Marupov Zubaydullo(1914-yil, Samarqand viloyati, Rossiya imperiyasi – 1964-yil 6-noyabr, Samarqand, Oʻzbekiston SSR, SSSR) – Ikkinchi jahon urushi qatnashchisi, 3 karra Shuhrat ordeni sohibi.

Biografiyasi

Marupov Zubaydullo 1914-yil Rossiya imperiyasiga qarashli boʻlgan Samarqand viloyatida dehqon oilasida tugʻilgan. U 1943-yilda Sovet Ittifoqi Kommunistik partiyasiga aʼzo boʻldi. Samarqandda oʻrta taʼlimni olgach, kolxozda ishladi. 1939-yil Ishchi-dehqonlar Qizil Armiyasi safiga qabul qilingan. 1941-yildan esa Ikkinchi jahon urushida qatnashgan. Ikkinchi jahon urushidagi Stalingrad jangida, Ukrainaning sharqiy qismidagi janglarida jasorat koʻrsatgan. Marupov Zubaydullo 1943-yil 26-oktyabrda Markaziy frontning 65-armiyasida ekipaj komandiri etib tayinlandi. U birinchilardan boʻlib, Dneprning shimoliy qismidan kesib oʻtib, dushman tomonga zarba berdi. Shu zahoti, dushman tomondan Zubaydullo Marupovning koʻkragiga qarab oʻq uzildi va xushini yoʻqotdi. Zubaydulloning 2 nafar safdoshi birinchi yordamni koʻrsatib uning hayotini saqlab qolishdi.

SSSR Oliy Kengashining 1943-yil 5-dekabrdagi qarori bilan oddiy askar Marupov Zubaydulloning Dnepr daryosidan oʻtib, dushman qoʻshiniga bergan zarbasi va koʻrsatgan jasorati uchun „3-darajali Jasorat“ ordeni bilan taqdirlangan.

Marupov Zubaydullo davolanib chiqqanidan soʻng, yana frontga qaytdi. U 1944-yil 7-avgust kuni Annopol shaharchasi yaqinidagi jangda qatnashadi. Jang mobaynida 20 nafar dushman askarlarini yoʻq qildi.

SSSR Oliy Kengashining 1944-yil 21-noyabrdagi qarori bilan Zubaydullo Marupov „2-darajali Shon-sharaf“ ordeni bilan mukofotlangan.

1946-yil serjant Marupov Zubaydullo oʻzi tugʻilgan Samarqandga demobilizatsiya qilindi. 1964-yil 6-noyabrda vafot etadi.