Rollton

Rollton — oziq-ovqat mahsulotlarining xalqaro brendi. Ushbu brendga Mareven Food Holdings tomonidan egalik qilinadi va mahsulotlari Sharqiy Yevropa, MDH, Yevropa Ittifoqi, Afrika va Osiyo mamlakatlarida sotiladi^[1]. Rollton brendi ostida tez tayyorlanadigan ugra, anʼanaviy makaron, tuxumli makaron, kartoshka pyuresi, shoʻrva, bulyon va ziravorlar ishlab chiqariladi. Brend yiliga 1 milliarddan ortiq mahsulotni sotuvga chiqaradi. „Rollton“ logotipida yurak ramzi tasvirlangan. Bozordagi eng yirik raqobatchisi Janubiy Koreyaning „Doshirak“ brendi hisoblanadi^[2]^[3].

Tarixi[tahrir | manbasini tahrirlash]

1998-yilda „Rollton“ savdo uyi tomonidan boshqariladigan tashkilot tuzildi, uning egasi mintaqaning transmilliy kompaniyasi boʻlib, uni ishlab chiqarish uchun avtomatik liniyalar bilan ikkinchi korxona qurilishi boshlandi, u 2001-yilda ishlay boshladi.

Hozirda tanish boʻlgan tez tayyorlanadigan ugralar 1999-yilda ishlab chiqarilib, Rollton brendi mahsulotlari tarixini boshlab bergan.

2001-yilda esa kartoshka pyuresi ishlab chiqarila boshlandi.

2002-yilda „Rollton“ yumshoq qadoqdagi bulyonini ommaga taqdim etdi^[4].

2013-yilda u anʼanaviy makaron ishlab chiqarishni boshladi^[5]. 2020-yilda Roskachestvo tomonidan oʻtkazilgan tekshiruv natijalariga koʻra, „Rollton“ning penne makaroni Rossiya bozorida eng yaxshi makaron deb topilgan^[6].

2005-yilda Rollton mahsulotlari Rossiyadan tashqari dunyoning 18 ta davlatiga, jumladan, MDH va Boltiqboʻyi mamlakatlari, Germaniya, Gretsiya, Mo'g'uliston, Ruminiyaga yetib keldi. Va 2005-yilning yozida, birinchi marta, Rollton Janubiy Afrikaga kirib keldi.

2021-yil holatiga koʻra, Rollton brendi ostida 94 turdagi mahsulot ishlab chiqarilmoqda^[7].

Ishlab chiqaruvchisi[tahrir | manbasini tahrirlash]

1998-yildan 2007-yilgacha boʻlgan muddatda Rollton brendi ostidagi mahsulotlar DHV-S kompaniyasi tomonidan ishlab chiqarilgan.

2007-yildan boshlab esa Rollton DHV-S ning vorisi „Mareven Food Central“ MChJ (Rossiya) tomonidan ishlab chiqarilmoqda va sotilmoqda^[8].

2011-yilda Mareven Food Holdings 100 % xorijiy sarmoya bilan Mareven Food Europe (Ukraina) zavodini ochdi va natijada Rollton brendi ostida mahsulot ishlab chiqarish kengaydi.

2016-yilda Mareven Food Tien Shan (Qozogʻiston) makaron va yarim tayyor mahsulotlar ishlab chiqarish zavodi qurilishi boshlandi^[9]. 2018-yilning aprel oyida ilk mahsulotlar muvaffaqiyatli ishlab chiqarila boshlandi.

2018-yilda Oʻzbekistonning Toshkent shahrida „Mareven Food Central“ MChJ vakolatxonasi ochildi.

Reyting va mukofotlari[tahrir | manbasini tahrirlash]

• 2007-yilda Rollton Forbes 50 ta eng mashhur rus brendlari roʻyxatida 37-oʻrinni egalladi^[10].

• 2007-yilda 50 eng koʻp sotilgan rus brendlari reytingida „Rollton“ 38-oʻrinni egalladi^[11].

• 2009-yilda Forbesning 50 ta eng mashhur rus brendlari roʻyxatida 21-oʻrinni egalladi^[12].

• 2020-yilda „Rollton“ taniqli tovar belgisi sifatida tan olindi^[13].

• Rollton Brand Footprint 2021 da Rossiyaning eng yaxshi 10 ta brendi roʻyxatiga kirdi^[14].

• 2021-yilda Rollton mahsulotlari „Sifat kafolati-2021“ oziq-ovqat sifati tanlovida oltin va kumush medallarni qoʻlga kiritdi^[15].

• 2021-yilda „Rollton“ kompaniyasi „Online Market Intelligence“ kompaniyasining yillik tadqiqotida „Tez tayyorlanuvchi ovqatlar: ugra, shoʻrvalar, kartoshka pyuresi“ toifasida birinchi oʻrinni egalladi^[16].

Yana qarang[tahrir | manbasini tahrirlash]

• Rollton rasmiy sayti

• Mareven Food Central rasmiy sayti

• Mareven professional food sayti

Manbalar[tahrir | manbasini tahrirlash]

[1] Rus gazetasi

[2] „Rollton“ mahsulot ishlab chiqarish boʻyicha „Doshirak“ni ortda qoldirdi

[3] Doshirak Rossiya bozorida Rolltonni ortda qoldirdi

[4] Rolltonning yangi mahsuloti. Kommerstant jurnali

[5] „Mareven Food Central makaron ishlab chiqarishni oʻzlashtirdi.Serpuxov viloyati maʼmuriyatining rasmiy veb-sayti“. 16-avgust 2018-yilda asl nusxadan arxivlangan. Qaraldi: 26-iyun 2022-yil.

[6] Roskachestvo eng yaxshi makaronni nomladi

[7] Bizning mahsulotlarimiz. Rollton

[8] DHV-S, Rollton ishlab chiqaruvchisi odatdagi mahsulotlaridan chetga chiqdi. Composition.ru

[9] Vetnamlik investorlar Olmaota viloyatida makaron va yarim tayyor mahsulotlar ishlab chiqaruvchi zavod quradilar. ZonaKZ internet gazetasi.

[10] „50 eng mashhur brendlar 2007“ reytingi. Forbes

[11] Brend reytingi. Forbes

[12] „50ta eng mashhur brendlar 2009“ reytingi. Forbes

[13] Rollton taniqli tovar belgisi sifatida tan olindi. Zakon.ru

[14] Brand Footprint 2021 global reytingi

[15] Mareven mahsulotlari „Sifat kafolati-2021“ tanlovida oltin medalga ega boʻldi. Rus gazetasi

[16] „Rollton“ 2021-yilda ruslar orasida mashhurligi boʻyicha „Doshirak“ni ortda qoldirdi^{[sayt ishlamaydi]}

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]