Regbi

Vikipediya, ochiq ensiklopediya

Regbi (Angliyaning Regbi shaharchasi nomidan) — sport oʻyini. 2 jamoa (har biri 15 kishidan) uz. 27—29 sm boʻlgan tuxumsimon shakldagi toʻp bilan Nsimon darvozali maxsus maydonchada (kattaligi 95—100x65—68 m) oʻynaydi. Oʻyin (40 min.dan 2 taym davom etadi)dan maqsad — toʻpni bir-biriga qoʻlda (orqaga) yoki oyoqsa (xoxlagan yoʻnalishda) oshirib, uni raqib maydonidagi darvoza chizigʻi orqasiga tushirish yoki darvozaga kiritishdan iborat. Raqibni ushlab yoki yelka bilan turtib yiqitib, unga xalaqit berish mumkin. Oʻyin qoidasi buzilganda "olishuv" — toʻp talashish belgilanadi. Koʻp ochko toʻplagan jamoa (toʻpni yerga tegizish — 4 ochko, tupni darvozaga kiritish — 3 yoki 2 ochko) yutgan hisoblanadi. Bu uyin Kad. Xitoy va Qad. Rimda tarqalgan. Zamonaviy R. uyini 1823 y.da Angliyada paydo buddi. 1888 y.da R. boʻyicha xalqaro musobaqa oʻtkazildi. 1900, 1908, 1920, 1924 y.da R. Olimpiada oʻyinlari dasturiga kiritildi. R. Xalqaro havaskorlar federatsiyasi FLRA (1934 y. tuzilgan)ga 40 dan ortiq mamlakat aʼzo. 1960 y.dan FLRA Kubogi (norasmiy jahon chempionati) oʻtkaziladi.

R. sporti Oʻzbekistonda 1969 y. "Lokomotiv" jamiyati huzurida vujudga keddi. 1970—71 y.larda Toshkent politexnika institutida R.chilar jamoasi tashkil qilindi. 1982—91 y.larda R. buyicha Jonibekov kubogi musobaqalari oʻtkazildi. Oʻzbekiston terma jamoasi xalqaro musobaqalar (1988, Buyuk Britaniya, 1989, Koreya Respublikasi)da ishtirok etdi. Oʻzbekiston R. federatsiyasi (2001 y. qayta tuzilgan) Osiyo federatsiyasi — ARFU ning aʼzosi. Mamlakatimizda R. boʻyicha 50 ga yaqin sport ustasi, 200 ga yaqin sport ustaligiga nomzod bor. [1]

Manbalar[tahrir]

  1. OʻzME. Birinchi jild. Toshkent, 2000-yil