Onjuku

Onjuku 御宿町
Shaharcha
Onjuku Bayroq Onjuku Gerb
35°11′29.4″N 140°20′55.7″E
Mamlakat	Yaponiya
Mintaqa	Kantō viloyati
Tuman	Chiba prefekturasi
Isumi tumani, Chiba
Hukumat
Maydon	24.86 km2 (9.60 mi²)
Iqlim turi	nam kontinental iqlim
Rasmiy til(lar)i	yapon
Aholisi  (2018-yil noyabr)	7 523
Zichligi	300 kishi/km2
Telefon kodi	0470-68-2511
Pochta indeks(lar)i	299
Onjuku

Onjuku shahar hokimiyati

Onjuku (yaponcha: 御宿町 Onjuku-machi) Yaponiyaning Chiba prefekturasida joylashgan shaharchadir. 2018-yil 30-noyabr holatiga ko‘ra, shaharchada 3683 ta xonadonda 7523 nafar aholi istiqomat qiladi va aholi zichligi 1 km² ga 300 nafarni tashkil etadi. Shaharning umumiy maydoni 24,86 kvadrat kilometr (9,60 mi²) ga teng.

Etimologiyasi

Shahar nomi ikkita kanji belgisidan iborat: birinchisi 御 „hurmatli“, ikkinchisi 宿 „turar joy“ degan maʼnoni anglatadi.

Geografiyasi

Onjuku janubiy Chiba prefekturasining sharqiy qirgʻogʻida, Boso yarim orolining tashqi qirgʻogʻining taxminan markazida joylashgan. Landshafti Boso tepaligidagi qumli tepaliklardan iborat boʻlib, shahar plyaj kurortlari bilan mashhur. Uning keng plyajlari Minami Bōsō kvazi-milliy bogʻining bir qismi sifatida himoyalangan. Shahar prefektura poytaxti Chibadan taxminan 50 kilometr va Tokio markazidan 70-80 kilometr uzoqlikda joy olgan. Onjuku ikkita funktsional portga ega boʻlgan Ajiro koʻrfaziga qaraydi: shimolda Ivavada porti va janubda Onjuku porti. Kichik daryo — Kiyomizu daryosi shahar orqali Ajiro koʻrfaziga tomon oqib oʻtadi.

Iqlimi

Onjuku nam subtropik iqlimga ega (Köppen Cfa) boʻlib, yozi issiq hamda qishi salqin va qor yogʻmaydi. Onjukuda oʻrtacha yillik harorat 15,1 °C ni tashkil etadi. Yillik oʻrtacha yogʻingarchilik 1904 mm boʻlib, sentyabr esa eng seryogʻin oy hisoblanadi. Avgust oyida eng yuqori harorat 25,5 °C, eng past harorati esa yanvarda, 5,8 °C atrofida boʻladi.

Demografiyasi

Yaponiya aholini roʻyxatga olish maʼlumotlariga koʻra, Onjuku aholisi soni soʻnggi 70 yil ichida asta-sekin kamayib bormoqda.

Aholining oʻsishi

Yil	Aholi	±%
1950	10,277	—
1960	9,273	−9.8%
1970	8,475	−8.6%
1980	8,486	+0.1%
1990	7,939	−6.4%
2000	8,019	+1.0%
2010	7,738	−3.5%

Atrofdagi munitsipalitetlar

Chiba prefekturasi

• Isumi (gʻarbiy va shimolda)
• Katsuura (janubda)

Tarixi

Ilk davrlar

Onjuku qadimgi Kazusa viloyatining bir qismi boʻlgan. Onjukudagi Ajiro koʻrfazining qaragʻaylari va qumlari haqida Kamakura davri maʼmuri Hojo Tokiyori (1227-1263) sheʼrida aytib oʻtilgan.

Edo davri

Onjuku, Muromachi davridan Edo davrigacha, maʼmuriy hududlarning murakkab aralashmasiga boʻlingan. Shaharning katta qismi syogun nomidan turli Hatamotolar tomonidan boshqariladigan Tenryo hududi edi. Shahar odatda Otaki va Ivatsuki domenlari maʼmurlari bilan bogʻlangan. Edo davrida Onjukuda oyiga olti marta belgilangan kunlarda oʻtkaziladigan taniqli „rokusai’ichi“ (六斎市) bozori rivojlangan.

Rodrigo de Viveroning qoʻnishi

1609-yilda ispan galleoni, San-Fransisko, Onjuku yaqinida quruqlikka tushib qoldi. Kapitan va tirik qolgan 300 kishiga shahar ahli gʻamxoʻrlik qildi va keyinchalik dengizchilarga Meksikaga qaytish uchun Tokugava syogunati tomonidan kema berildi. Omon qolganlardan biri Filippin general-gubernatori Rodrigo de Vivero boʻlib, keyinchalik u syogun Tokugava Ieyasu bilan koʻrishishga muvaffaq boʻlgan. 1928-yilda Onjukuga Rodrigoning kelib qolishi hamda Meksika, Ispaniya va Yaponiya oʻrtasidagi doʻstona munosabatlarni xotirlash uchun minora qurilgan. Oʻshandan beri u prefekturaning tarixiy yodgorligi (県指定史跡 (yaponcha: ken shitei shiseki)) etib belgilangan va keng bogʻ majmuasi bilan oʻralgan.

Joriy boshqaruv

Onjuku qishlogʻi 1889-yil 1-aprelda Meidzi davrida munitsipalitetlar tizimining oʻrnatilishi bilan yaratilgan va 1914-yil 1-aprelda shaharcha maqomiga koʻtarilgan. Shahar 1955-yil 1-martda qoʻshni Fuse va Namihana qishloqlari hududlarini qoʻshib olish orqali kengaytirildi.

Hukumat

Onjuku toʻgʻridan-toʻgʻri saylanadigan mer hamda 12 aʼzodan iborat bir palatali shahar kengashiga ega boʻlgan mer-kengash bboshqaruv shakliga ega. Onjuku, Isumi shahri bilan birgalikda Chiba prefekturasi assambleyasiga bitta aʼzodan hissa qoʻshish huquqi mavjud. Milliy siyosat nuqtai nazaridan, shahar Yaponiya Diet quyi palatasining Chiba 11-okrugi tarkibiga kiradi.

Iqtisodiyoti

Onjuku iqtisodiyotida yozgi turizm va tijorat baliq ovlashi ustunlik qiladi; qishloq xoʻjaligi yaqin atrofdagi munitsipalitetlarga nisbatan iqtisodiyotda nisbatan kichik rol oʻynaydi. Tijoriy qirgʻoq va dengizda baliq ovlash kabilari faol holat boʻlib, kalmar va bonito eng muhim ov mahsulotlari hisoblanadi. Ama yoki anʼanaviy gʻavvos ayollar anʼanaviy yapon parhezining muhim qismlari boʻlgan abalone, salla qobigʻi (sazae) va tikanli omarni yigʻish bilan shugʻullanadi.

Onjukuning qumli plyajlari Sotoboso qirgʻogʻining suzish joylari boʻlib, yoz oylarida koʻplab sayyohlarni oʻziga jalb qiladi. Shaharda turizm Meidzi davrida boshlangan va turizm sanoatining rivojlanishi hozirda ham davom etmoqda. Bu hududda koʻplab mehmon uylari, ryokan (anʼanaviy yapon mehmonxonalari) va mehmonxonalar rivojlangan.

Taʼlim tizimi

Onjukuda bitta davlat boshlangʻich maktabi hamda shahar hukumati tomonidan boshqariladigan bitta davlat oʻrta maktabi faoliyat yuritadi. Shaharda bitta xususiy boshlangʻich maktab va bitta xususiy yuqori maktab ham mavjud.

Sport

Infratuzilma va yaxshi surfing sharoitlari boʻlgan qumli plyaj tufayli, hududda har yili Yaponiyaning hayotni qutqarish assotsiatsiyasining milliy surfing karnavali oʻtkaziladi, unda butun mamlakat boʻylab qutqaruvchilar yigʻiladi. 2013-yilda butun dunyo boʻylab Xalqaro Surf Rescue Challenge ayni shu yerda oʻtkazilgan.

Transport tizimi

Temir yoʻl

JR Sharq — Sotobo liniyasi

• Onjuku

Magistral yoʻl

• Milliy yoʻnalish 128

Qardosh shahar munosabatlari

•  — Acapulco, Meksika 1978-yil 7-avgustdan buyon
•  — Tecamachalco, Puebla, Meksika

Galereya

Chiba prefekturasiga qarashli milliy yoʻnalishlar

Onjuku plyaji

Havolalar

• Rasmiy veb-sayt (yaponcha)