Maʼrifat Qozijonov
| Maʼrifat Qozijonov | |
|---|---|
| Tavalludi |
1913-yil 20-oktyabr Buxoro, Oʻzbekiston SSR, SSSR |
| Vafoti |
1983-yil 5-may Dushanbe, Tojikiston |
| Fuqaroligi |
 Tojikiston |
| Millati | tojik |
| Sohasi | pedagogika |
| Ish joylari |
Buxoro shahridagi Pedagogika instituti Sadriddin Ayniy nomidagi Tojikiston davlat pedagogika universiteti |
| Taʼlimi | Sadriddin Ayniy nomidagi Tojikiston davlat pedagogika universiteti |
Maʻrifat Afzalovich Qozijonov (1913-yil 20-oktyabr, Buxoro — 1983-yil 5-may, Dushanbe) — tojik olimi, pedagog, pedagogika fanlari doktori (1974). „SSR Maorifi xalq aʼlochisi“ (1975), bir qancha medallar va Tojikiston SSR Oliy Soveti Prezidiumi mukofotlari bilan taqdirlangan.
Biografiyasi[tahrir | manbasini tahrirlash]
1929-yilda Stalinobodga kelib, musiqa bilim yurtida oʻqiydi, bir vaqtning oʻzida musiqali drama teatrida (Lohutiy nomidagi teatr) sozanda boʻladi (1929—1932). 1932—1937-yillarda „Kollektiv uchun“, „Oʻqituvchilar gazetasi“ gazetalarida adabiy xodim, Qizlar madaniyat va maorif texnikumida til va adabiyot fani oʻqituvchisi boʻlib ishlaydi. 1937—1939-yillarda Toshkentdagi M.Gorkiy nomidagi Davlat pedagogika institutining tojik tili va adabiyoti fakultetida oʻqigan. 1939—1940-yillarda 2-son oʻqituvchilar tayyorlash maktabida oʻqituvchi boʻlib ishlagan. 1940—1942-yillarda Buxoro davlat pedagogika institutining adabiyot fakultetida tahsil olgan. Oʻqishini Buxoroda davom ettirgan Maʼrifat institutni tamomlagach, bir muddat adabiyot kafedrasida oʻqituvchi boʻlib ishladi. 1943—1945-yillarda Ulugʻ Vatan urushida qatnashgan.
Faoliyati[tahrir | manbasini tahrirlash]
1945—1950-yillarda Buxoro pedagogika institutida oʻqituvchilik qilgan. 1951—1960-yillarda tojik adabiyoti kafedrasi oʻqituvchisi, 1960–1973-yillarda Buxoro davlat pedagogika instituti boshlangʻich ta’lim kafedrasi mudiri boʻlib ishlagan. Dushanbedagi T. G. Shevchenko nomidagi pedagogika institutida ishlagan[1]. 8 ta kitob, 100 dan ortiq ilmiy-metodik maqolalar va oʻquv dasturlari muallifi. U 19-asrning 2-yarmidan 20-asrning 30-yillarigacha tojik maktablarida 5-7-sinf oʻquvchilarining ogʻzaki va yozma nutqini rivojlantirish, savod oʻrgatish va adabiyot oʻqitish va shu kabi mavzularga oid ilmiy tadqiqotlar olib borgan. Uning rahbarligida olti kishi nomzodlik dissertatsiyasini himoya qildi. U jamoadagi pedagogik bilimlarning faol targʻibotchisi edi[2]. 1970-yillarda Tojikiston televideniyesida „Aziz bolam, uning odob-axloqi undan azizdir“ koʻrsatuvida rahbarlik qildi.
Manbalar[tahrir | manbasini tahrirlash]
- ↑ Asia-Plus, Педагог с большой буквы. — Душанбе, 2013. — 3 октября
- ↑ „нусхаи бойгонӣ“. 2019-yil 1-martda asl nusxadan arxivlangan. Qaraldi: 2019-yil 27-fevral.
Qoʻshimcha oʻqish uchun[tahrir | manbasini tahrirlash]
- S.Ayniy nomidagi Tojikiston davlat pedagogika universiteti ensiklopediyasi
- Obid Nazriev. Somon taxti. — Dushanbe poligrafiya guruhi, 2018, 216 bet.