Luan Jujie
Luan Jujie (1958-yil 14-iyulda[1] Nankin, Xitoyda tugʻilgan) — Xitoyda tugʻilgan asli kanadalik qilichboz. 1984-yilda Los-Anjelesda boʻlib oʻtgan yozgi Olimpiya oʻyinlarida u qilichbozlik boʻyicha oltin medalni qoʻlga kiritgan birinchi xitoylik sportchi boʻldi. 1985-yilda Kanadaning Alberta shtatidagi Edmonton shahriga koʻchib oʻtganidan keyin u Kanada fuqaroligini oldi. 50 yoshida Luan 2008-yilgi yozgi Olimpiya oʻyinlarida Kanada nufuzini himoya qildi. U 1988 va 2000-yilgi yozgi Olimpiya oʻyinlarida ham qatnashgan[2].
Sportdagi faoliyati[tahrir | manbasini tahrirlash]
Yoshligida ajoyib sportchi boʻlgan Luan Jujie qilichbozlikka oʻtishdan oldin trek va badmintonda yaxshi natijalarga erishgan[3]. U qilichbozlik bilan 17 yoshida shugʻullana boshlagan va qisqa vaqt ichida yaʼni oʻsha yilning oʻzida terma jamoaga qabul qilingan. Luan tezda xalqaro reytingda koʻtarilib, 1978-yilda oʻsmirlar oʻrtasidagi jahon chempionatida 2-oʻrinni (1901-yildan beri qatnashgan birinchi osiyolik sportchi) va 1979-yil Xitoy milliy oʻyinlarida oltin medalni, 1983-yilda ayollar oʻrtasidagi qilichbozlik boʻyicha xalqaro turnirda ham oltin medalni qoʻlga kiritdi. Shuningdek Luan 1984-yilgi jahon chempionatida gʻoliblikka erishdi (birinchi Sharqiy Osiyo qilichbozi xalqaro musobaqada gʻolib boʻlishi)[4]. U 26 yoshida yaʼni 1984-yilda Los-Anjelesda boʻlib oʻtgan yozgi Olimpiada oʻyinlarida Xitoy milliy terma jamoasi tarkibida boʻlgan va qilichbozlik sportida Olimpiya oltin medalini qoʻlga kiritgan birinchi Sharqiy Osiyo vakili boʻldi. U 1988-yilgi Yozgi Olimpiya oʻyinlarida ham Xitoy terma jamoasi safida ishtirok etdi.
Qilichbozlikdagi faoliyati davomida Luan Jujie oʻzining qattiqqoʻlligi bilan ajralib turardi, hatto bir marta singan plyonka bilan qoʻliga pichoq sanchilganidan keyin ham oʻyinni davom ettirgan. U faoliyati davomida buyrak kasalligii bilan ogʻrigan
Keyinchalik Luan Kanadaning Edmonton shahriga koʻchib oʻtdi. U birinchi marta Edmontonga 1983-yilgi yozgi Universiada oʻyinlarida ishtirok etish uchun kelgan va shaharni yoqtirib qolgan. Luan 1989-yilda Edmontonga uchta farzandi bilan koʻchib keladi. U Edmonton qilichbozlik klubida[5] dars berishni boshlaydi va klubning 1989-yilda atigi 40 aʼzoga ega boʻlgan holidan, to bugungi kunda 400 dan ortiq aʼzoga qadar oʻsishida muhim rol oʻynadi. U 1994-yilda Kanada fuqaroligini oldi.
Luan Jujie Kanadadagi qilichbozlik musobaqalarida va qilichbozlik boʻyicha Jahon kubogida, 1995, 1996, 1997 va 1999-yillardagi Kanada milliy chempionatida 4 marta gʻalaba qozongan. 2000-yilda u 42 yosh boʻlishiga qaramay, Avstraliyaning Sidney shahrida boʻlib oʻtgan oʻzining uchinchi Olimpiada oʻyiniga yoʻllanma oldi. Luan Jujie dastlabki bosqichlarda magʻlubiyatga uchraydi. U EFCda faol shugʻullangan va 2008-yilgi Kanada olimpiya terma jamoasi safida Olimpiada oʻyinlarida ishtirok etish yoʻllanmasini qoʻlga kiritish umidida koʻplab musobaqalarda qatnashgan[6].
Xitoyda Luan Jujie hali ham koʻpgina maktab darsliklardan oʻqitiladi va hatto uning hayoti haqida film ham suratga olingan. 1999-yilda u1949-yildan beri faoliyat olib borgan eng yaxshi 35 sport yulduzi qatoriga kiritilgan[4].
Luan Kanada terma jamoasi safida 2008-yilgi Pekin Olimpiadasiga yoʻllanma oldi[7]. 2008-yil 11-avgustda Jujie birinchi raundda yuqori darajadagi tunislik qilichboz Inès Bubakriga qarshi 13:9 hisobida gʻalaba qozondi, ammo yakunda dunyo reytingida yettinchi oʻrinni egallagan vengriyalik 32 yoshli Aida Mohamedga 15:7 hisobida magʻlub boʻldi[8].
Manbalar[tahrir | manbasini tahrirlash]
- ↑ Canoe.ca biography[sayt ishlamaydi]
- ↑ „Jujie Luan Olympic Results“. sports-reference.com. 2020-yil 17-aprelda asl nusxadan arxivlangan. Qaraldi: 28-aprel 2011-yil.
- ↑ „Canoe.ca article“. 3-avgust 2012-yilda asl nusxadan arxivlangan. Qaraldi: 22-avgust 2022-yil.
- ↑ 4,0 4,1 Chinese Olympic Committee bio
- ↑ Edmonton Fencing Club
- ↑ "No Way to Cut Luan Story Short" by Terry Bell, The Province, 13 July 2008
- ↑ „Canadian Olympic Committee“. 27-may 2008-yilda asl nusxadan arxivlangan. Qaraldi: 22-avgust 2022-yil.
- ↑ Luanʼs Olympic dream ends