Kiyev yer banki
| Kiyev yer banki | |
|---|---|
Кіевскій земельный банкъ Київський земельний банк | |
 | |
| Asosiy maʼlumotlar | |
| Turi | aksiyadorlar jamiyati |
| Faoliyati | ipoteka banki |
| Asos solingan | 1872-yil |
| Yopilgan yil | 1917-yil |
| Rahbariyat | M. V. Kochubey, P.D. Seletskiy, A. S. Kudashev, Y.V. Tarnovskiy, N. K. Vinogradskiy |
Kiyev yer banki (ruscha: Кіевскій земельный банкъ, ukraincha: Київський земельний банк) — Rossiya imperiyasining yirik aksiyadorlik ipoteka banki. Bosh ofisi Kiyev shahrida joylashgan.
Tarixi[tahrir | manbasini tahrirlash]
Kiyev yer banki 1861-yilda imperator Aleksandr II tomonidan krepostnoylik huquqi bekor qilingan kredit islohoti davrida 1871—1873-yillarda paydo boʻlgan va 1917-yilgi inqilobga qadar faoliyat koʻrsatgan Rossiya imperiyasidagi 10 aksiyadorlik yer banklaridan biridir. Bunday banklar Kiyevdan tashqari Don, Xarkov, Poltava, Sankt-Peterburg-Tula, Moskva, Bessarabiya-Tavrida, Nijegorod-Samara, Vilna va Yaroslav-Kostroma yer banklari hisoblanadi. Ham yer, ham shahar koʻchmas mulklari garovi ostida qisqa va uzoq muddatli kreditlar bergan ushbu kredit-moliya muassasalarining jamgʻarma kapitali 1898-yil 1-iyul holatiga koʻra 51 716 520 rublni tashkil qilgan.
1872-yil iyunda tasdiqlangan Oliy nizomga muvofiq, bank Kiyev, Chernigov, Podolsk va Volin gubernatorliklariga tegishli hududlarda uzoq muddatli (66 yil 2 oygacha — yer bilan taʼminlangan va 38 yil 4 oygacha — shahar koʻchmas mulki bilan taʼminlangan) va qisqa muddatli (3 yilgacha) kreditlash faoliyati bilan shugʻullangan[2]. Kiyev yer bankining asoschilari Kiyev va Podolsk gubernatorliklarining yer egasi, imperator saroyining shtalmeysteri knyaz Mixail Viktorovich Kochubey, Kiyev va Poltava gubernatorliklarining yer egasi, imperator saroyining gofmeysteri Pyotr Dmitrievich Seletskiy, Kiyev guberniyasi yer egalari knyaz Kudashev va Ya. V.Tarnovskiy, Podolsk guberniyasining yer egasi N. K. Vinogradskiy va bir qator boshqa shaxslar sanaladi[3].
1886-yildan boshlab Kiyev yer bankining bosh ofisi Institut koʻchasi 7-uyda joylashgan. Ushbu binoda Kreshchatikka koʻchgunga qadar birinchi Kiyev birjasi faoliyat koʻrsatgan. Hozirda Georgiy Pavlovich Shleyferning meʼmoriy yodgorligi boʻlgan ushbu uyda Ukraina Vazirlar Mahkamasi klubi joylashgan[4].
Manbalar[tahrir | manbasini tahrirlash]
- ↑ Scripophily.ru Starinnie sennie bumagi
- ↑ Uchebnikirus.com | Istoriya deneg i bankovskogo dela | 94 banka na ukrainskix zemlyax v sostave Rossiyskoy imperii
- ↑ „Бонистика. "Мир денег" 2003 декабрь №9(45). Пётр Рябченко | Kievskiy Zemelniy Bank i ego sennie bumagi v 1872 godu“. 2020-yil 15-iyulda asl nusxadan arxivlangan. Qaraldi: 2018-yil 5-iyun.
- ↑ „Блокнот киевлянина | Zdanie pervoy kievskoy birji Institutskaya, 7)“. 2021-yil 15-mayda asl nusxadan arxivlangan. Qaraldi: 2018-yil 4-iyun.