Hujayra

Hujayralar mikroskop ostida (qulay farqlanishi uchun boʻyalgan; suratda keratin (qizil) va DNK (yashil) koʻrinib turibdi.

Hujayra maʼlum boʻlmish barcha tirik organizmlarning tarkibiy va funksional birligidir. Hujayra organizmning yashayotgan eng kichik boʻlagi, deb belgilanadi. Baʼzi organizmlar (masalan, bakteriyalar) bir hujayralidir, yaʼni faqat bitta hujayraga ega. Boshqa organizmlar esa koʻp hujayralidirlar (masalan, oʻrtacha odam 100 trillion yoki 10¹⁴ hujayradan iboratdir; oʻrtacha hujayra oʻlchami 10 mikrometr, massasi esa 1 nanogramdir). Eng katta hujayra tuyaqush tuxumi boʻlib, uzunligi 15 sm, massasi 1.4 kg gacha boʻladi. Hujayrani ilk marta Robert Guk 1665 - yilda kashf qilgan.