Brawl Stars
Brawl Stars – bu Finlyandiyaning Supercell video oʻyin kompaniyasi tomonidan ishlab chiqilgan va nashr etilgan jamoaviy jangovar onlayn oʻyin. U butun dunyo boʻylab 2018-yil 12-dekabrda iOS va Android dasturlari uchun ishlab chiqarildi[1]. U turli xil oʻyin rejimlarini oʻz ichiga oladi. Oʻyinchilar oʻyinda ekrandagi joystiklar yordamida boshqarilishi mumkin boʻlgan qahramonlar aniqrogʻi „Brawler“lar yordamida jang qilishadi[2].
Oʻyin jarayoni[tahrir | manbasini tahrirlash]
Brawl Starsda oʻyinchilar bir nechta oʻyin rejimlarida boshqa oʻyinchilar yoki sunʼiy intellektga ega raqiblariga qarshi kurashadilar. Oʻyinchilar janglarda foydalanish uchun „Box“, „Brawl Pass“, „Trophy Road“ orqali yutib olingan yoki doʻkon orqali sotib olingan „Brawler“ nomli personajlardan birini tanlashi mumkin[3]. 2022-yil dekabr oyida „Box“ olib tashlandi va ularni olishning barcha oldingi usullari kreditlar va xroma kreditlar bilan almashtirildi, ular hozirda asosan „Star Road“da joylashgan „Brawler“larni ochish uchun ishlatiladi[4].
Brawl Starsda oʻyinchilar tanlashlari mumkin boʻlgan turli xil oʻyin rejimlariga ega, ularning har biri turli maqsadlarga yoʻnaltirilgan. Oʻyinchilar doʻstlarini oʻyin rejimining maksimal jamoaviy hajmigacha(odatda 2 kishigacha) oʻyinga taklif qilishlari mumkin[5].
Bundan tashqari, qimmatbaho toshlar, yulduzlar va tangalar bilan „skin“larni sotib olishi yoki ularni Brawl Pass orqali ochishi mumkin, bu esa „Brawler“larning koʻrinishini, animatsiyalarini, effektlarini va tovushlarini ham oʻzgartiradi[6].
Brawl Pass[tahrir | manbasini tahrirlash]
2020-yil may oyida oʻyin yangilanishida „Brawl Pass“ deb nomlangan yangi mukofot tizimi qoʻshildi. Brawl Pass – bu sovrinlar bilan toʻla boʻlgan safardan iborat. Oʻyinchilar janglarda qatnashganlarida, ular Brawl Pass boʻylab harakatlanish uchun ballar oladilar, bu ballar har bir Brawl Pass darajasiga qoʻshiladi. Oʻyinchilar Brawl Pass orqali oddiy kreditlar, rangli kreditlar, qimmatbaho toshlar, skinlar, pinlar (janglar paytida yoki jamoaviy oʻyin xonasida ishlatilishi mumkin boʻlgan emojilar), tangalar, Power Points va Brawlerlarni olishlari mumkin. Brawl Passning ikki turi mavjud. Barcha oʻyinchilar uchun tekin Brawl Pass va xohlovchilar uchun Gems bilan sotib olinadigan premium Brawl Pass bor[7].
Brawl Stars chempionati[tahrir | manbasini tahrirlash]
Brawl Stars chempionati butun dunyo boʻylab Brawl Stars oʻyinchilari uchun ochiq turnirdir. Ushbu turnir oylik oʻyin ichidagi Chempionat Chellenjlaridan iborat boʻlib, unda oʻyinchilar besh xil rejimda 15 ta oʻyinda gʻalaba qozonish uchun raqobatlashadilar. 15 ta gʻalabadan soʻng, oʻyinchilar keyingi bosqichga, mintaqaviy saralash oyligiga oʻtadilar, unda ishtirok etish uchun oʻyinchilar 16 yosh va undan katta boʻlishi kerak. Saralash musobaqalari orqali oʻyinchilar mintaqaviy oylik finalda yoʻllanmani qoʻlga kiritishlari mumkin. Bu voqealar Jahon finaliga yoʻllanma beradi[8].
2019-yilda ushbu chempionat Brawl Stars jahon chempionati sifatida tanilgan. U 2019-yil 15-noyabrdan 16-noyabrgacha Janubiy Koreyaning Pusan koʻrgazma va anjumanlar markazida boʻlib oʻtdi. 3:0 hisobidagi gʻalabadan keyin birinchi oʻrin gʻolibi Nova Esports boʻldi. Raqobat qiluvchi boshqa ishtirokchilar orasida Animal Chanpuru, Tribe Gaming, 3Bears, Spacestation Gaming va PSG Esports foydalanuvchi nomi egalari bor edi. Mukofot jamgʻarmasi 250 000 AQSh dollari boʻlgan bu oʻyin uchun birinchi xalqaro tadbir boʻlib, Shimoliy Amerika, Yevropa, Lotin Amerikasi, Janubi-Sharqiy Osiyo, Yaponiya va Janubiy Koreya jamoalari ishtirok etdi[9].
2020-yilda Jahon finali 21-22-noyabr kunlari boʻlib oʻtdi, mukofot jamgʻarmasi 1 000 000 dollarni tashkil qiladi. Mablagʻning yarmi oʻyin ichidagi chempionat paketidan tushgan mablagʻ hisobidan yigʻildi. Sakkizta jamoa Jahon finalida ishtirok etdi, ular dastlab Polshaning Katovitse shahrida boʻlib oʻtishi rejalashtirilgan edi, biroq COVID-19 pandemiyasi tufayli internetga koʻchirildi. PSJ Esports bu yilgi chempionatda 200 000 dollar mukofot bilan gʻolib boʻldi. Qolgan pul mukofotlari ikkinchidan to sakkizinchigacha oʻrinlarni egallagan boshqa jamoalar oʻrtasida taqsimlandi[10].
2021-yilda Brawl Stars chempionati 20-fevralda boshlandi. Chempionat uchun sakkizta mavsum bor, ular fevraldan sentyabrgacha oyiga bir marta oʻtkaziladi. Chempionat sinovlari va oylik saralash har bir mavsumda ikki kun davomida jonli efirda koʻrsatildi. Mintaqaviy oylik saralash bosqichida eng yaxshi sakkizta jamoa mintaqaviy oylik final bosqichiga yoʻl oladi. 26-28-noyabr kunlari Ruminiyaning Buxarest shahrida boʻlib oʻtgan Jahon finalida ishtirok etish uchun barcha yetti mintaqadan Oylik final bosqichidan 16 ta jamoa birlashadi. 2021-yil uchun mukofotlar oylik finalda 600 000 dollarni, Jahon finalida esa kamida 500 000 dollarni tashkil etadi, bu miqdorni oʻyin ichidagi takliflar orqali oshirish imkoniyati mavjud[11].
Manbalar[tahrir | manbasini tahrirlash]
- ↑ „Supercell’s Brawl Stars launches on iOS and Android“. venturebeat.com. Qaraldi: 29-sentabr 2023-yil.
- ↑ „‘Brawl Stars’ review: Fun mobile ‘hero shooter’ with really cute characters“. www.scmp.com. Qaraldi: 29-sentabr 2023-yil.
- ↑ „UPDATE: Tara's Bazaar“. Supercell.com. Qaraldi: 29-sentabr 2023-yil.
- ↑ „Supercell Is Throwing Out Brawl Stars’ Gacha Mechanics“. www.droidgamers.com. Qaraldi: 29-sentabr 2023-yil.
- ↑ „Brawl Stars is an upcoming game from the makers of Clash Royale“. androidcommunity.com. Qaraldi: 29-sentabr 2023-yil.
- ↑ „Brawl Stars Skins List – All Brawler Cosmetics“. Qaraldi: 29-sentabr 2023-yil.
- ↑ „Here’s everything you need to know about Brawl Stars’ new Brawl Pass“. dotesports.com. Qaraldi: 29-sentabr 2023-yil.
- ↑ „Brawl Stars’ Championship Challenge to happen on March 20 and 21“. dotesports.com. Qaraldi: 29-sentabr 2023-yil.
- ↑ „https://dotesports.com/mobile/news/psg-esports-win-brawl-stars-world-finals-2020“. dotesports.com. Qaraldi: 29-sentabr 2023-yil.
- ↑ „"PSG Esports win Brawl Stars World Finals 2020"“. dotesports.com. Qaraldi: 29-sentabr 2023-yil.
- ↑ „"Brawl Stars Championship 2021"“. blog.brawlstars.com. Qaraldi: 29-sentabr 2023-yil.