Afyun

Vikipediya, ochiq ensiklopediya

Afyun lolaqizg‘aldoq (papaver somniferum) sharbatini quritib olinadigan kuchli giyohvanddir. Morfin alkaloidlari ko‘p bo‘lganligi uchun tibbiyotda og‘riqsizlantiruvchi dori sifatida qo‘llanar edi; biroq bangilikni keltirib chiqarishi tufayli hozirda deyarli qo‘llanmaydi.

[tahrir] Tarixi

Afyun haqida eslab o‘tuvchi ilk manbalar mil. avv. 500 yillarga oiddir (Mesopotamiya). Qadimgi Yunonistonda ham ma’lum bo‘lgan, jumladan Buqrot afyunning og‘riqsizlantiruvchi xususiyati borligini e’tirof etgan. Yevropada afyunxo‘rlik XIX asrda avjiga chiqqan.

[tahrir] Ishlab chiqarilishi

Bugungi kunda afyun Tayland, Laos, Birma hamda Afg‘onistonda o‘stiriladi. Afyun hosili borasida Afg‘oniston birinchi o‘rinda turibdi.