Zuhra Ashurova

Zuxra Ashurova — 1961 yilda Toshkent viloyatining Qibray tumanida tugʻilgan. Milliy teatrda 1983 yildan buyon faoliyat koʻrsatib kelmoqda. 2000 yili „Oʻzbekistonda Respublikasida xizmat koʻrsatgan artist“ unvoni bilan taqdirlangan.

Faoliyati

Zuxra Ashurova teatrda sahnalashtirilgan 100 ga yaqin asarlarda turli xil xarakterdagi murakkab rollarni ijro etdi. U teatr sahnasida namoyish etilgan jahon va oʻzbek klassikasi hamda zamonaviy asarlarda bir qator obrazlar galereyasini yaratib, bugungi kunda teatrning yetakchi aktyorlaridan biriga aylandi. Aktrisa tomonidan „Armon“ spektaklidagi Laura, „Apelsin ishqi“dagi Niketta, „Hayotdan toʻygan tun“dagi Bayan, „Tun albatta oʻtadi“dagi Amaliya, „Sohibqiron“dagi Bibixonim, „Uvaysiy“dagi Nodirabegim, „Yorqinoy“dagi Yorqinoy, „Muhabbat sultoni“dagi Layli, „Mehrobdan chayon“dagi Raʼno, „Oʻtkan kunlar“dagi Oftoboyim, „Yaralangan oqqush nolasi“dagi Zebo, „Yigʻlama qiz“dagi Qumri, „Kunduzsiz kechalar“dagi Solixa, „Eng suluvli kelinchak“dagi Gulbarchin, „Andishalik kelichka“dagi Munisa, „Neksiya“dagi Nilufar, „Uyqusiz kechalar“dagi Mohira, „Tortadurman jabrimni“dagi Farogʻat kabi bosh rollar ijro etilgan. Zuxra Ashurova kinofilmlarda, televidenie va radioda yaratgan 30 dan ziyod obrazlari bilan el orasida isteʼdodli sanʼatkor sifatida tanilgan. Aktirisa, shuningdek, „Turmush chorrahalari“, Odamlar orasida" turkumidagi videofilmlarda, „Osmondagi bolalar“, „Muhabbat sinovlari“, „Notanish“, „Jodugar“, „Hijron“, „Koreyalik kelin“, „Vijdon“ filmlarida munis ayollarimiz siymosini koʻrsatdi. Oʻzbekiston radiosidagi „Oʻtkan kunlar“ radiospektaklida Kumushbibi va boshqa radiopostanovkalarda bir qator yorqin obrazlar yaratdi.

Filmografiyasi

Yil	Film nomi	Obraz
2002	Muhabbat sinovlari	Boburning onasi
2004	Muhabbat sinovlari 2	Boburning onasi
2008	Zirapcha	Manzura
2009	Ichkuyov	Elyorning onasi
2010	Oʻyin ichida oʻyin
2011	Oʻxshatmasdan uchratmas
2011	Hi Fi bolakay	Azizning onasi
2012	Koreyalik kelin	Jamila
2013	Aql va yurak
2014	Soʻnggi nafasimgacha	Salima
2014	Yoʻqotilgan vaqt	Ustoz
2015	Ayriliq 2
2016	Boy boʻlma sahiy boʻl	Hadicha
2017	Jonim azobda