Ziyodiylar

Ziyodiylar (818-1018) — Abbosiylar hukmronligini tan olgan Yamandagi sulola. Sulola asoschisi Muhammad ibn Ziyod (818-859).

Davlat tashkil topishi

Sulola asoschisi Muhammad ibn Ziyod Yazid ibn Abu Sufyon ibn Harb ibn Umayya (Muoviya I ning ukasi) avlodi edi. Ziyodiylar nafaqat Tihomada, balki Xadramavtdan sharqdagi yerlarda va Yamanning togʻli mintaqalarida hukmronlik qilishgan. Ziyodiylar amirligining poytaxti Zabid shahri boʻlgan. Davlat tanazzulga uchragan paytda, Sano va Janadda Ya’furiylar davlati tashkil topdi.

Davlat tanazzuli

Yamanning shimoliy sohilboʻyi hududlarini poytaxt Assar bilan birga ishgʻol qildi, qarmat Ali ibn Fazl 904-yili Zabid shahrini talon-toroj qiladi. 989-yil Yaʼfuriylar hujum qilib, Zabidni yoqib yubordilar. Biroq mamluk al-Husayn ibn Salama davlatni saqlab qoldi. Sulola hukmronligining soʻngida habash gʻulomlar katta ta’sirga ega boʻlgan. 1018-yili Ziyodiylar davlatining shimoliy qismini boshqarayotgan gʻulomlardan chiqqan vazirlar, jumladan, ularning rahbari Najoh oʻzini taxt da’vogari deb e’lon qildi va Najohiylar sulolasiga asos soldi.

Hukmdorlar roʻyxati

Ziyodiylar sulolasi hukmdorlari

№	Hukmdorlar	Hukmronlik yillari
1	Muhammad ibn Ziyod	818-859
2	Ibrohim ibn Muhammad	859-896
3	Ziyod ibn Ibrohim	896-902
4	Ibn Ziyod	902-911
5	Ishoq ibn Ibrohim	911-981
6	Abdulloh (yoki Ziyod) ibn Ishoq	981-1012
7	Ibrohim (yoki Abdulloh) ibn Abdulloh	1012-1018