Yaʼjuj va maʼjuj

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish

Yaʼjuj va maʼjuj — iudaizm, xristianlik va islom dinlarida 2 yovvoyi xalqning nomi. Afsonalarda Ya. va M. lar uzun boʻyli, keng yagʻrinli, baʼzilarining qulogʻi butun gavdasini qoplab turadigan, qiyomat kuni olamni bosib olib, hammayoqni xarob qiluvchi dahshatli va behisob xalq sifatida tasvirlangan. Qurʼonda (18:94— 98) Zulqarnayn Ya. va M. lar yashaydigan joyga borib, bu xalqlarning yer yuziga yoyilib ketmasligi uchun 2 togʻ oraligʻiga toʻsiq qurdirgani bayon etiladi. Shunga qaramay ular har kecha toʻsiqni teshib oʻtishga harakat qilganlar, lekin Alloh azonda toʻsiqning teshilgan joyini qaytadan oʻz holiga keltirib qoʻygan. Shu sababli Ya. va M. lar toʻsiqni teshib oʻta olmaganlar. Islom rivoyatlariga koʻra, bu xalqlar qiyomat arafasida toʻsiqni teshib oʻtadi, yer yuziga yopirilib, barcha katta daryo va koʻllarning suvini ichib tugatadi, uchragan odamni yanchib, yoʻq qilib yuboradi. Yerni yengib endi samonni yengamiz deyishadi va samoga nayza otadi uni uchi qon bo'lib tushgani uchun Ya.va M lar biz osmonni ham yengdik endi butkul yeru osmonga hukumdormiz deb o'ylashadi va usha kechasi ularga kasallik kelib hamma Ya.va M lar qirilib ketadi. Jasadlarini hidi shunchalik bad-bo'y ediki yer yuzida nafas olib bo'lmasdi