Woluwe-Sent-Pierre

Woluwe-Sent-Pierre Woluwe-Sent-Pierre
Bayroq Gerb
50°50′0″N 04°28′0″E
Mamlakat	Belgiya
Aholisi	42,119
Milliy tarkib	fransuzlar
Pochta indeks(lar)i	1150

Woluwe-Saint-Pierre (fransuzcha talaffuzi: ​wolywe sɛ̃ pjɛʁ, gollandcha talaffuzi: sɪnt ˈpitərs ˈʋoːlyʋə) – Belgiyaning Bryussel-poytaxt mintaqasidagi 19 ta munitsipalitetdan biri. Shahar poytaxtning sharqiy qismida joylashgan boʻlib, Etterbeek, Auderghem va Woluwe-Saint-Lambert, shuningdek, Kraainem va Tervuren Flamand munitsipalitetlari bilan chegaradosh hisoblanadi. Bryusselning barcha munitsipalitetlari bilan bir qatorda rasmiy ikki tildan (fransuz-golland) foydalanadi.

2022-yil 1-yanvar holatiga koʻra munitsipalitetda 42 216 nafar aholi istiqomat qiladi. Umumiy maydoni 8,94 km 2 (3,45 sq mi), bu aholi zichligini 4,722/km 2 (12,230/sq mi) tashkil qiladi. Shahar hududi asosan parklar bilan qoplangan. Shaharning mashhur joylari de Tervurenlaan avenyusi va Marshal Montgomeri maydoni hisoblanadi. Bir paytlar munitsipalitetni Senna daryosi kesib oʻtgan.

Tarixi

Woluwe-Saint-Pierre nomining ilk koʻrinishi shakllanishi 1117-yilga toʻgʻri keladi. Bu haqida Forest shahridan topilgan nizomda keltirilgan. Oʻsha paytda, asl qishloq va uning fermalari Leuven yaqinidagi Park Abbeyga bogʻliq edi. Shaharda bir necha bor ocharchilikni boʻlgan.

Fransiya inqilobi Woluwe-Saint-Pierre uchun taʼsir qiladi. Yoʻllar xavfli boʻlib qoladi, diniy erkinliklar keskin cheklandi, mahalliy yovvoyi tabiatning koʻp qismi oziq-ovqat uchun yoʻq qilindi va koʻmir hamda oʻtin yetishmasligi odamlarni isitish uchun torfdan foydalanishga majbur qildi. Mahalliy maʼmuriyat Bryusseldan mustaqillikka erishdi, 26-mayda oʻzining birinchi merini va 1819-yilda birinchi munitsipal kengashini saylaydi. Yangi munitsipalitetga ochilgan tijorat imkoniyatlari yangi boylik davrining boshlanishini belgiladi. Munitsipalitet XIX asrning soʻnggi yigirma yilligiga qadar juda tez rivojlanadi. Avenyu de Tervueren kabi yangi yoʻllar, yangi poyezd yoʻli, Stoklet saroyi kabi koʻrkam uylar va Woluwe Park qurilgan. 1906-yilda poyga yoʻli qurilgan. Turar-joy maydonlari Birinchi jahon urushidan keyin paydo boʻlgan va keyingi urbanizatsiya Ikkinchi jahon urushidan keyin sodir boʻlgan. Hozirgi vaqtda 1918-yilgacha keng tarqalgan qishloq xoʻjaligi va baliqchilik butunlay yoʻqoldi. Hudud deyarli faqat iqtisodiyotning xizmat koʻrsatish sohasiga bogʻliq.