Vikipediya munozarasi:Tezda oʻchirish mezonlari

Sahifa kontenti boshqa tillarda dastaklanmaydi.
Vikipediya, ochiq ensiklopediya

Qoidalarga oʻzgarishlar kiritish[manbasini tahrirlash]

Oʻzbekcha Vikipediya rivojlanib, sahifalar soni koʻpayib borgani sari qoidalar ham yangilanish talab qilmoqda. Shunday ekan, Tezda oʻchirish mezonlari ham yangilashni talab qilmoqda. Ushbu oʻzgarishlardan baʼzilarini taklif qilmoqchiman:

  1. VP:U6 bandini faqatgina Foydalanuvchi sahifalari bilan cheklab qoʻyish.
  2. Qoidaning preambula qismida foydalanuvchi sahifalari faqatgina administratorlar tomonidan umumiy konsensus asosida oʻchirilishi mumkinligi haqida qoida kiritish.

Hurmatli Kagansky, Nataev, Nataeva, Malikxan, Mirzoulugʻbek, Umarxon III, Artemev Nikolay, Muxriddin Azimov, Gayrat98, Alpasli, Jamshid Nurqulov, ITPRO.UZ, Panpanchik, Muzaffar Murodovich, Salazarov, Husniddin Rasulov va boshqalar ovoz berishda ishtirok etishingizni soʻrayman.

Mavzu yuzasidan qoʻshimcha fikrlarni Fikrlar boʻlimida bildirib oʻtishingiz mumkin.

Fikrlar[manbasini tahrirlash]

  1. Faqatgina administratorlar tomonidan oʻchirishga kelishib olishimiz, notoʻgʻri boʻladi. Foydalanuvchi sahifalari doimiy ravishda tez-tez oʻchirilmaydi. Bu holatlar maʼlum bir vaqt davomida boʻlishi mumkin. Shuni hisobga olgan holda, administratorlar bilan cheklash toʻgʻri qaror boʻlmasligi mumkin. Spam, reklamaga ega, foydalanuvchi sahifasida hamjamiyat hurmatiga putur yetkazuvchi materiallarni saqlagan holda chop etilgan sahifalarni tezda yoʻq qilish lozim. Asosan, xulosa chiqaruvchilar tezda oʻchirish turkumi bilan shugʻullanishgani uchun men yuqorida sanab oʻtgan jihatlarga ega sahifani administratorlar oʻchirishini kutib oʻtirish, yoki har safar shunday sahifa paydo boʻlganda, administratorlarga xabar berish ortiqcha harakat boʻlishi mumkin. Xulosa chiqaruvchilar ushbu vaziyatda oʻzlari qaror chiqarishlari kerak deb hisoblayman. Faqat administratorlar bilan cheklash uchun yetarli asos va sabablar koʻrmayapman. Hurmat bilan, Salazarov (suhbat) 07:51, 25-May 2023 (UTC)[javob berish]
    Umumiy konsensus aynan foydalanuvchi sahifalari bilan bogʻliq boʻlib, bunda administratorlarga xabar berish emas, balki umumiy konsensusga erishish haqida soʻz ketmoqda. Ikkinchidan, maqolalar tarixi bilan bogʻliq holatlarda toʻgʻri xulosa chiqarilmagan holatlar ham boʻlgan. Shularni inobatga olgan holda yuqoridagi taklif berilmoqda. Laziz Baxtiyorov (munozara) 07:56, 25-May 2023 (UTC)[javob berish]
    Fikrimni davom ettirgan holda shuni yozmoqchimanki, VP:U6 bandi aynan sahifa muallifi istagi bilan oʻchirilishi kerak boʻlgan maqolalar va boshqa sahifalarga taalluqli boʻlishi kerak. Yaʼni, biror maqolani yoki sahifani muallifi xohishi bilan oʻchirishga qoʻyib berish kerak.
    Biror bir foydalanuvchi sahifasini alohida munozara ochib, unda koʻrib chiqib, alohida, faqatgina administratorlar konsensusi asosida oʻchirish, bitta ishni 3 yoki 4 ta qilib, qiyinlashtirish demakdir. Hurmat bilan, Salazarov (suhbat) 07:58, 25-May 2023 (UTC)[javob berish]

Rozilar[manbasini tahrirlash]

  1.  Qarshiman va bu qarorimni quyidagi sabablar ila bayon etmoqchiman:
    Yuqorida taʼkidlaganimdek, foydalanuvchi sahifalarida turli xil materiallar saqlanishi va chop etilishi mumkin. Bu kabi vaziyatlarda, masalan, ochiqcha reklama — spam, turli xil haqoratomuz soʻzlar yozilgan sahifalarga duch kelganda xulosa chiqaruvchi bayrogʻiga ega foydalanuvchi sahifani adminlar oʻchirishi uchun shunchaki koʻz yumib ketmasligi, aksincha holatni koʻrgan holatidayoq bartaraf etmogʻi kerak. Bu kabi sahifalarni oʻchirish faqat va faqat Vikipediya uchun manfaatli hisoblanadi. Yaqinda forumda ovozga qoʻyilgan Foydaluvchi sahifalari boʻyicha qoida tasdiqlansa, foydalanuvchi sahifalarini besabab va/yoki oʻz manfaatiga koʻra oʻchirishni niyat qilgan adminlar-u, eliminatorlar qoidaga boʻysunib harakat qilishadi.
    Kiritilayotgan taklifni anglashim boʻyicha, foydalanuvchi sahifalarini, ular oʻz ichiga qanday materiallarni qabul qilishidan qatʼiy nazar faqatgina administratolar konsensusi asosida oʻchirish kerak deyilmoqda. Bu toʻgʻri qaror boʻlmaydi deb hisoblayman. U6 boʻyicha esa fikrimni yuqorida bildirib oʻtdim. Hurmat bilan, Salazarov (suhbat) 08:23, 25-May 2023 (UTC)[javob berish]

Betaraflar[manbasini tahrirlash]

Xulosa[manbasini tahrirlash]