Ubaydulloh ibn Jahsh

Vikipediya, ochiq ensiklopediya
Ubaydulloh ibn Jahsh
Tavalludi 588
Vafoti 627, Aksum qirolligi
Turmush oʻrtogʻi Ramla bint Abu Sufyon
Otasi Jahsh ibn Riyob
Onasi Umayma bint Abdulmuttalib

Ubaydulloh ibn Jahsh (arab. عبيد الله ابن جحش; (taxminan 588–627) arab qabilalaridan Banu Asadning boshligʻi boʻlgan[1].


Biografiyasi[tahrir | manbasini tahrirlash]

U Jahsh ibn Riyob va Umayma bint Abdulmuttalibning oʻgʻli boʻlib, Abdulloh ibn Jahsh, Zaynab bint Jahsh, Abu Ahmad ibn Jahsh, Habiba bint Jahsh va Hammona bint Jahsh uning aka-singillari, Muhammad alayhissalom va Ali uning amakivachchasi, Hamza ibn Abdulmuttalib esa uning togʻasi edi[2][3]. U Ramla binti Abu Sufyonga (Ummu Habiba nomi bilan ham tanilgan) uylangan. Ularning nikohidan Habiba bint Ubaydulloh ismli qiz farzand dunyoga kelgan[4].

Ubaydulloh ibn Jahsh Ibn Ishoq zikr qilgan toʻrt haniflardan biri boʻlib, qolganlari Varaqa ibn Navfal, Usmon ibn Huvayris va Zayd ibn Amr edi. U islomga kirganidan soʻng makkaliklar zulmidan qutulish uchun xotini bilan birgalikda Habashistonga hijrat qilgan[5]. Aksum imperiyasining bir qismi boʻlgan Axumda nasroniy shoh (Najoshiy nomi bilan tanilgan) Asxama ibn Abjar musulmonlarga boshpana bergan. U yerda Ubaydulloh oxir-oqibat nasroniylikni qabul qilgan. Ibn Ishoq aytadi: “Ubaydulloh to Islom kelguniga qadar haq dinni izlashda davom etdi. Keyin musulmon boʻlgan xotini Ummu Habiba bint Abu Sufyonni olib, musulmonlar bilan Habashistonga hijrat qildi. U yerga kelganida u nasroniylikni qabul qildi, islomdan chiqdi va Habashistonda nasroniy sifatida vafot etdi”.

Boshqa dinga kirganligi sababli u xotini bilan ajrashgan. Ubaydulloh 627 yilda Habashistonda vafot etgan[6].

Keyinchalik Muhammad alayhissalom uning bevasi Ramlaga uylanganlar. Avvalroq esa u zot Ubaydullohning singlisi Zaynabni nikohlariga olgan edilar.

Manbalar[tahrir | manbasini tahrirlash]

  1. Muhammad ibn Ishaq, Sirat Rasul Allah. Translated by Guillaume, A. (1955). The Life of Muhammad, pp. 98-99. Oxford: Oxford University Press.
  2. Guillaume/Ishaq pp. 99, 146.
  3. Muhammad ibn Saad, Tabaqat vol. 8. Translated by Bewley, A. (1995). The Women of Madina, p. 33. London: Ta-Ha Publishers.
  4. Bewley/Saad p. 68.
  5. Guillaume/Ishaq, p. 146.
  6. Bewley/Saad, p. 68. London: Ta-Ha Publishers.