Trilogiya

Vikipediya, ochiq ensiklopediya
Jump to navigation Jump to search

Trilogiya (yun. tri — uch, logos — soʻz) — umumiy mazmuni, gʻoyasi, asosiy qahramonlari, syujet chizigʻining oʻzaro aloqadorligi, bogʻliqligi bilan bir butunlikni, yaxlitlikni tashkil etuvchi uch mustaqil asar. T. xarakteridagi asarlarning eng dastlabkilari Yunonistonda yuzaga kelgan. Evripid, Esxil, Sofokl kabi yunon tragediyanavislari ilk dramatik T.lar yaratganlar. Mas., "Zanjirband Prometey", "Oresteya", "Fivaning yetti dushmani" singari asarlar shular jumlasidandir. Keyinchalik jahon adabiyotida (Bomarshe, F. Shiller, L. N. Tolstoy, S. T. Aksakov va boshqalar) dramatik va nasriy T. larning xilmaxil namunalari yaratildi.

Oʻzbek adabiyotida ham T. janrida asarlar yaratilmoqda. M. Ismoiliyning "Fargʻona tong otguncha", Sayd Ahmadning "Ufq" ("Qirq besh kun", "Hijron kunlari", "Ufq boʻsagʻasida") asari T. janrining namunalaridir. Lirik asarlarga nisbatan "T." termini kam qoʻllanadi.