Gamma-apparat
Gamma-apparat, teleradiy apparat — asosan, rak va b. xavfli oʻsmalarni gamma-nurlar bilan davolashda, shuningdek material va buyumlarning nuqsonlarini aniqlashda ishlatiladigan apparat (qarang Defektoskopiya). Kalta fokusli va uzun fokusli turlari bor. Kalta fokuslisi 5 sm gacha chuqurlikdagi oʻsmalarga, uzun fokuslisi undan chuqurroqdagi oʻsmalarga nur berish uchun ishlatiladi. G.-a.ning bir oʻq atrofida aylanadigan (rotatsion) yoki oʻzaro perpendikulyar ikki oʻq atrofida siljiydigan (rotatsion-konvergent) xillari boʻladi. Bemorni toʻgʻri yotqizish, nurlar dastasini kasallik oʻchogʻiga gʻuj tushirish uchun apparatning rentgen, optik yoki mexanik markazlovchilaridan foydalaniladi. G.-a.ning baʼzi turlarida ionlash kameralari bor, bular bemor gavdasidan oʻtgan nurlarni oʻlchab turadi. G.-a. oʻrnatilgan binoning devorlari, shipi va eshigi tevarakatrofga gamma-nurlarni oʻtkazmaydigan qilib ishlanadi.
Adabiyotlar[tahrir | manbasini tahrirlash]
- OʻzME. Birinchi jild. Toshkent, 2000-yil
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Bu andozani aniqrogʻiga almashtirish kerak. |