Tatu (guruh)

Tatu
t.A.T.u.
Umumiy maʼlumot
Mamlakat	Rossiya
Faoliyat yillari	1999-2011, 2012-2013, 2014-2016, 2022-2023
Janr	Pop, Pop rock
Leybl	Universal Music / Interscope Records (2001—2006) T.A. Music (2006—2011)
Tarkib	Yuliya Volkova va Yelena Katina
Vebsayt	Rasmiy web sayti

"Tatu" (t. A. T.u) – Yuliya Volkova va Yelena Katinadan iborat rus musiqiy guruhi. 1999-yilda prodyuser Ivan Shapovalov va bastakor Aleksandr Voitinskiy tomonidan birgalikda yaratilgan.

Tatu butun dunyo boʻylab mashhurlikka erishgan eng muvaffaqiyatli rus estrada guruhidir. Ularning ingliz va rus tillaridagi qoʻshiqlari Rossiya, Avstraliya, Buyuk Britaniya, Germaniya, AQSh va boshqa mamlakatlardagi xit paradlarda birinchi oʻrinni egallagan. Ularning ingliz tilidagi debyut singli „All the Things She Said“ yilning eng muvaffaqiyatli singllaridan biriga aylandi va butun dunyo boʻylab asosiy musiqa chartlarida birinchi oʻrinni egallagan. Tatu sotilgan albomlar soni boʻyicha IFPI mukofotiga sazovor boʻlgan birinchi va yagona rus guruhidir.

2003-yil may oyida guruh Eurovision qoʻshiq tanlovida ishtirok etib, uchinchi oʻrinni egallagan. 2004-yilda ijodiy tanaffus haqida eʼlon qilishdi.

2005-yil oktyabr oyida ular platina sertifikatiga ega boʻlgan va bir nechta xalqaro xitlarni oʻz ichiga olgan „Dangerous and Moving“ ikkinchi xalqaro albomini chiqardilar.

2009-yil mart oyida guruh menejeri ikkala qoʻshiqchining ham yakkaxon loyihalarini boshlash rejalari va guruh ishini toʻliq miqyosda toʻxtatish haqida eʼlon qildi. 2011-yilda Tatu rasman ajralib, Katina va Volkova yakkaxon karyeralarini boshladilar. Keyingi yillarda ular Sochidagi 2014-yilgi Qishki Olimpiya oʻyinlarining ochilish marosimi kabi maxsus tadbirlarda chiqish qilish uchun birlashdilar.

Guruhning yaratilishi

Ivan Shapovalov

„Tatu“ dueti 1999-yilda Ivan Shapovalov tomonidan va bastakor Aleksandr Voitinskiy bilan birgalikda yaratilgan. 2000-yil oxirida „Ya soshla s uma“ singli chiqdi va bir necha oy davomida Rossiya radiostantsiyalari reytingida birinchi oʻrinni egallab turgan.

2001-yil 16-mayda „Neformat“ kompaniyasi „Universal Music“ning Rossiya filiali bilan shartnoma imzoladi. Shartnomaga koʻra, guruh 3 ta albom chiqarishi kerak. Oʻsha yilning 21-mayida „ 200 po vstrechnoy“ albomi va „Nas ne dogonyat“ qoʻshigʻiga videoklip chiqdi. Dastlabki ikki oyda albom rasmiy tiraji 500 ming nusxada sotilgan. Hammasi boʻlib, 2001-yilda albomning rasmiy sotuvi 2 million nusxadan ortiqni tashkil etdi.

2001-yil 6-sentyabr Nyu-Yorkda „Ya soshla s uma“ video klipi uchun“ „Tomoshabinlar tanlovi – eng yaxshi ruscha video“ nominatsiyasida MTV Video Music Awards mukofotiga sazovor boʻlishdi.

„Tatu“ Kirovda , 2006-yil 31-oktyabr

„Tatu“ Varshavadagi „VIVA Comet“da, 2008-yil 2-oktyabr

Guruh aʼzolari

• Yuliya Volkova – vokal (1999-2011, 2012-2014, 2016, 2022, 2023)
• Lena Katina – vokal (1999-2011, 2012-2014, 2016, 2022, 2023)

Musiqachilar

• Sven Martin – klaviatura, musiqa direktori (2002-2011)
• Troy Makkabin – gitara (2002-2010)
• Metyu Venslauskas – gitara (2010-2011)
• Roman Ratej – barabanlar (2003-2006)
• Stiv „Boomstick“ Uilson – barabanlar (2006–2011)
• Doman Vadzevec – bas gitara (2006-2011)
• Katya Nechaeva – vokal (2003)

Diskografiyasi

• 2001 – „200 po vstrechnoy“
• 2002 – „200 km/h in the Wrong Lane“
• 2005 – „Dangerous and Moving“
• 2005 – „Lyudi invalidi (albom)“
• 2008 – „Vesyolie ulibki (albom)“
• 2009 – „Waste Management (albom)“

Havolalar

• группы Тату^{(rus.)(ingl.)}
• Ofitsialniy sayt ot amerikanskogo rekord-leybla Interscope Records^(ingl.)
• Ofitsialniy sayt ot Universal Music Germany^(olm.)
• Fan-sayti: tatysite.net i tatulife.ru