Stanley G. Love

Stanley G. Love
Tavalludi	1965-yil 8-iyun (57 yosh) San-Diego, Kaliforniya, AQSh
Fuqaroligi	AQSh
Kasbi	Sayyorashunos
Millati	amerikalik
Kosmik karyera
Kosmosdagi vaqt	12 kun 18 soat 22 minut
Tanlash	1998-yil NASA guruhi
Missiyalar	STS-122
Missiya belgisi

Stanley Glen Love (1965-yil 8-iyunda tugʻilgan) — amerikalik olim va Oregon shtatidagi NASA astronavti^[1].

Yoshligi

Love 1965-yil 8-iyunda Kaliforniyaning San-Diego shahrida Glen A. Love va Rhoda M. Love oilasida tugʻilgan. Biroq, Love, Oregon shtatidagi Eugeneni oʻzining ona shahri deb biladi. Love 1983-yilda Oregon shtatidagi Eugene shahridagi Uinston Cherchill oʻrta maktabini tamomlagan. U Kaliforniyaning Klermont shahridagi Xarvi Mudd kollejida fizika fanlari boʻyicha bakalavr darajasini, astronomiya boʻyicha Vashington universitetida MS (1989) va Ph.D (1993) darajalarini olgan^[1]^[2].

Akademik martaba

Love 1984-yilning yozida Oregon universitetida kompyuter dasturlash boʻyicha oʻqituvchi va 1985-yildan 1987-yilgacha fizika va kimyo laboratoriyalarida assistent boʻlib ishlagan. 1987-yildan boshlab Seattlegi Vashington universitetida aspirant oʻqituvchisi sifatida umumiy va sayyora astronomiyasi boʻyicha bakalavriatda oʻqiyotgan oʻquvchilarga dars bergan. U 1989-yildan 1993-yilgacha Vashington universitetida aspirant ilmiy xodim boʻlib ishlagan. Love 1994-yilda doktorlikdan keyingi tadqiqotlar uchun Gavayi universitetiga koʻchib oʻtdi. 1995-yilda u California Texnologiya Institutining postdoktorlik mukofotiga sazovor boʻldi. 1997-yilda u reaktiv harakat laboratoriyasiga muhandis boʻlib ishga kirdi^[1].

NASA martabasi

Love 1998-yil iyun oyida NASAga qoʻshildi va oʻsha yilning avgust oyida mashgʻulotlarni boshladi. U asosiy kosmonavt nomzodini tayyorlash hamda malaka oshirish kursini yakunladi. U 1 dan 7 gacha stansiya ekspeditsiyalari va STS -104, STS-108, STS-112^[1] va STS-132 missiyalari uchun Missiyalarni boshqarishda CAPCOM (kosmik kema aloqachisi) sifatida xizmat qilgan. 2008-yilda Love oʻzining birinchi kosmik parvozida STS-122 ekipaji bilan Space Shuttle bortida qatnashdi va 306 soatdan koʻproq vaqt davomida kosmosda boʻldi. Missiya 2008-yil 7-fevralda boshlanib, 2008-yil 20-fevralda yakuniga yetdi^[1].

Aʼzolik

Love Amerika Astronomiya Jamiyati; Sayyorashunoslik boʻlimi; Amerika Geofizika Ittifoqi ; Amerika Aeronavtika va Astronavtika Instituti (Dotsent); meteoritlar jamiyati azosi hioblanadi^[1]^[2].

Shaxsiy hayoti

Love uylangan, ikki farzandi bor. Uning koʻplab sevimli mashgʻulotlariga: jang sanʼatlari, yurish, ilmiy fantastika, musiqa va anime kiradi. Uning ota-onasi hozirda Oregon shtatida istiqomat qilishadi^[1]^[2].

Manbalar

↑ ^1,0 ^1,1 ^1,2 ^1,3 ^1,4 ^1,5 ^1,6 {„Stanley G. Love, (Ph.D.) NASA Astronaut“. NASA (2019-yil may). Qaraldi: 24-iyun 2021-yil.
↑ ^2,0 ^2,1 ^2,2 NASA. „NASA – Meet the NEEMO 15 Crew“. NASA (15-sentabr 2011-yil). 2011-yil 25-sentyabrda asl nusxadan arxivlangan. Qaraldi: 19-sentabr 2011-yil.

[NASA_Bio-1] 1,0 ^1,1 ^1,2 ^1,3 ^1,4 ^1,5 ^1,6 {„Stanley G. Love, (Ph.D.) NASA Astronaut“. NASA (2019-yil may). Qaraldi: 24-iyun 2021-yil.

[NEEMO_Bios-2] 2,0 ^2,1 ^2,2 NASA. „NASA – Meet the NEEMO 15 Crew“. NASA (15-sentabr 2011-yil). 2011-yil 25-sentyabrda asl nusxadan arxivlangan. Qaraldi: 19-sentabr 2011-yil.

[1]

[2]