Signal Iduna Park
  | |
| Sobiq nom(lar)i | Vestfalenshtadion (2005-yilgacha) |
|---|---|
| Joyi |
Dortmund,  Germaniya |
| Asos solingan | 1971-yil |
| Qachon qurilgan | 1974-yil |
| Qachon ochilgan | 1974-yil 2-aprel |
| Qachon taʼmirlangan | 1992-, 1995-99-, 2002-03-, 2006-yillar |
| Egasi | Borussia Dortmund GmbH & Co. KGaA[1] |
| Yuzasi | tabiiy maysa |
| Inshoot narxi |
32.7 mln DM (1974) 800 mln € (2006) |
| Meʼmor | Planungsgruppe Drahtler |
| Hajmi |
53 872 (1974-1992)[2] 42 800 (1992-1996) 54 000 (1996-1999) 68 600 (1999-2003) 83 000 (2003-2005) 81 264 (2005-2006) 80 708 (2006-2008) 80 552 (2008-2010) 80 720 (2010-2015) 81 359 (2015-h.v)[3] 65 590 (xalqaro bahslarda)[4] |
| Maydon oʻlchami | 105 × 68 m |
| Maydon egalari | |
| Borussiya Dortmund | |
"Signal Iduna Park" (nemischa: Signal Iduna Park; UEFA va FIFA boshchiligidagi turnirlar oʻyinlari paytida — BVB-Stadion[5], 2005-yilgacha — Vestfalenshtadion (nemischa: Westfalenstadion) — Dortmunddagi futbol stadioni. Germaniyadagi eng yirik stadion. Sig‘imi 81 359 ta oʻrin. Mahalliy „Borussiya“ning uy arenasi. 2001-yilda stadionda Yevropa musobaqalari tarixidagi eng koʻp gol urilgan finallardan biri — "Liverpul" va „Alaves“ oʻrtasidagi UEFA kubogi finali (5:4) boʻlib oʻtdi[6].
Tarixi[tahrir | manbasini tahrirlash]
Stadion Jahon chempionati uchun 1971-1974-yillarda qurilgan. Oʻziga 54 ming tomoshabinni sigʻdira olgan. Stadiondagi birinchi oʻyin Borussiya Dortmund va "Shalke-04" (0:3) oʻrtasidagi oʻrtoqlik uchrashuvi boʻldi. 1974-75-yilgi mavsumdan beri Borussiya Dortmund klubi ushbu maydonni oʻzining uy stadioni sifatida ishlatib kelmoqda.
Modernizatsiya[tahrir | manbasini tahrirlash]
1990-yillarning boshlarigacha stadion deyarli oʻzgarishsiz qoldi. 1992-yilda shimoliy tribunadagi turiladigan joylar oʻrindiqlarga almashtirilib, stadion sigʻimi 42 800 tagacha qisqardi. 1995-1998-yillarda barcha tribunalar birma-bir kengaytirilib, stadion sigʻimi 80 000 dan ortiq tomoshabinga yetdi. Modernizatsiyaning soʻnggi bosqichi 2006-yilgi futbol boʻyicha Jahon chempionati arafasida 2005-yil yozgi tanaffus paytida amalga oshirildi. Stadionga elektron kirish tizimi o‘rnatildi, imkoniyati cheklangan shaxslar uchun o‘rindiqlar ko‘paytirildi, VIP bo‘lim, jamoa kabinalari va sanitariya-texnik vositalar yangilandi.
Dortmundning „Borussiya“ klubi rasmiy saytining „Signal Iduna Park“ bo‘limiga ko‘ra, ushbu yangilanish tufayli janubiy tribunadagi o‘rindiqlar soni 1500 taga qisqardi va stadion faqat 81 264 tomoshabinga mo‘ljallangan. Janubiy tribuna Yevropadagi eng yirik tribuna boʻlib qolmoqda.
Qayta nomlash[tahrir | manbasini tahrirlash]
2005 yil 1 dekabrdan Vestfalenshtadion (nemischa: Westfalenstadion) Borussiya Dortmund va Signal Iduna sugʻurta kompaniyasi oʻrtasidagi kelishuvga koʻra Signal Iduna Park deb oʻzgartirildi. Bu qaror muxlislar orasida bahs-munozaralarga sabab boʻldi, chunki bu bir tomondan klub uchun zarur moliyaviy barqarorlikni taʼminladi, boshqa tomondan, bu klub anʼanalaridan voz kechish edi.
2005-yilda Innenshtadt-Vest tuman maʼmuriyati stadion yaqinidagi koʻchaga Am Westfalenstadion nomini berishga qaror qildi, bu klub rahbariyatining noroziligiga sabab boʻldi, ammo muxlislar orasida qoʻllab-quvvatlandi. „Signal-Iduna“ sugʻurta kompaniyasi bilan shartnoma 2016-yil 30-iyungacha edi. Keyinroq shartnoma 2021-yilgacha uzaytirildi.
2006-yilgi Jahon chempionati vaqtida FIFA talab qilganidek, stadion FIFA World Cup Stadium Dortmund deb nomlangan. BVB-Stadion nomi hozirda UEFA va FIFA homiyligidagi oʻyinlarda qoʻllaniladi.
Stadion panoramasi[tahrir | manbasini tahrirlash]
Manbalar[tahrir | manbasini tahrirlash]
- ↑ „Borussia Dortmund simplifies group structure“ (en). «Borussiya Dortmund» rasmiy sayti. 2014-yil 7-sentyabrda asl nusxadan arxivlangan. Qaraldi: 2022-yil 1-oktyabr.
- ↑ „30 Jahre Westfalenstadion“ (de) (pdf). westline.de. 2014-yil 23-fevralda asl nusxadan arxivlangan. Qaraldi: 2022-yil 1-oktyabr.
- ↑ „Fakten & Kurioses“ (de). Signal Induna Park official website. 2012-yil 25-martda asl nusxadan arxivlangan. Qaraldi: 2022-yil 1-oktyabr.
- ↑ „unnamed“ (en). UEFA.
- ↑ "Borussiya"ning toʻliq nomi — Ballspielverein Borussianing qisqartmasi
- ↑ „Сигнал Идуна Парк на isocker“. 2013-yil 17-mayda asl nusxadan arxivlangan. Qaraldi: 2022-yil 1-oktyabr.