Shishkin Ivan Ivanovich

Vikipediya, ochiq ensiklopediya
Iwan Nikolajewitsch Kramskoj 005.jpg

Shishkin Ivan Ivanovich [1832.13(25). 1, Tatariston, Yelabuta — 1898.8(20).3, Peterburg] — rus rassomi, realistik manzara janrining yirik namoyandasi; Peredvijniklar uyushmasi asoschilaridan. Moskva rassomlik, haykaltaroshlik va meʼmorlik bilim yurti (1852—56) va Peterburg BA (1856—65)da taʼlim olgan. Peterburg BA akad. (1865), prof. (1873), manzara ustaxonasining rahbari (1894— 95). Sh. ijodining ilk davrida romantik manzara anʼanalariga ergashdi ("Valaam oroli manzarasi", 1858 va boshqalar); 1860y.lardan kolorit va nurdagi shartlilikni yengib, ijodining yetakchi mavzuiga aylangan rus tabiatining ulugʻvorligi, koʻrki, oʻrmon manzaralarini obʼyektiv tasvirladi hamda peredvijniklarning asarlariga hamohang monumental va hayotbaxsh obrazlarni yaratdi ("Kesilgan oʻrmon", 1867; "Bugʻdoyzor", 1878; "Cheksiz oʻrmon", 1884; "Qayinzor", 1886; "Emanzor", 1887 va boshqalar).

SH. rasm ustasi boʻlgan, uning rangtasvirga yaqin ofortlari rus tasviriy sanʼatida grafikaning ushbu turini qaytadan tiklanishiga asos boʻldi.