Rifnik tepaligi
Rifnik tepaligi (Slovencha talaffuzi: ˈɾiːfnik ) sharqiy Sloveniyada joylashgan ochiq osmon ostidagi arxeologik muzeyga ega tepalikdir. U Šentjur shaharchasining yuqori qismida joylashgan tepalik boʻlib, bugungi kunda mashhur ekskursiya maskaniga aylangan, chunki bu yerda arxeologik park faoliyat yuritadi.
Arxeologik park bronza davrining oxiridagi Hallstatt uyining[1] rekonstruksiyasidan iborat. Uning shimoliy va sharqiy yon bagʻirlaridan temir davriga oid qoʻrgʻonlar ham topilgan. Voglayna daryosining xudosi Aqvonga bagʻishlangan ibodatxona soʻnggi Rim davrida qurilgan boʻlib, uning poydevorida keyinchalik ilk xristian cherkovi bunyod etilgan. Tepalikning gʻarbiy chekkasida esa yana bir cherkov joylashgan boʻlib, u yerda Arianizm mashqlari bajarilgan[2].
Tepalik konussimon shaklga ega. Shimol va sharqiy tomondan unga chiqish imkoni mavjud emas, janubiy terassali yonbagʻir orqali esa kirish birmuncha osonroq. Tepadan Šentjur atrofining goʻzal manzarasi va soʻnggi antik shaharcha qoldiqlarini kuzatish mumkin.
Arxeologik park[tahrir | manbasini tahrirlash]
Doimiy koʻrgazma yuz yildan ortiq vaqt davom etgan arxeologik tadqiqotlarga asoslangan va ikki qismga ajratilgan[3]. Birinchi qismda eramizdan avvalgi 4-asr oxiridan rimliklar kelishigacha boʻlgan davrga oid qazilmalar hamda bronza davri va temir davri moddiy madaniyatiga aloqador topilmalar boʻlib, ikkinchi qismda rimliklar kelganidan to eramizgacha boʻlgan davrda yangilangan slavyanlar (1—6-asrlar) hayotiga oid eksponatlar koʻrsatilgan.
Tepalikning yuqorisida joylashgan yonbagʻirda qal’a minorasi xarobalari joylashgan boʻlib, uning yonida Rifnik qal’asi qoldiqlarini uchratish mumkin. Qal’a haqidagi maʼlumotlar ilk marta 1163-yilda tilga olingan. 17-asrning oʻrtalarida qal’a binosi qarovsiz holga kelib qolgan.
Manbalar[tahrir | manbasini tahrirlash]
- ↑ Rifnik, Cultural heritage registry, Ministry of Culture of the Republic of Slovenia
- ↑ Modrijan, Zvezdana (2006):. Rifnik, Institute of archaeology, Slovenian Academy of Sciences and Arts
- ↑ Ciglenečki, S. (1999): Rifnik nad Šentjurjem. In: Millenniaʼs Treasures. History of Slovenia from Neanderthals to Slavs ("Zakladi tisočletij. Zgodovina Slovenije od neandertalcev do Slovanov"), 359-361. Ljubljana
Adabiyotlar[tahrir | manbasini tahrirlash]
- Pirkmajer, D. (1994): Rifnik. Arheološko najdišče. Vodnik . Celje.
Havolalar[tahrir | manbasini tahrirlash]
- Rifnik arxeologik bogʻi, Celje mintaqaviy muzeyi veb-sayti
Koordinatalari: 46°11′54.55″N 15°24′24.80″E / 46.1984861°N 15.4068889°E G O