Frank Lloyd Rayt

Vikipediya, ochiq ensiklopediya
(Rayt Frank Lloyddan yoʻnaltirildi)
Jump to navigation Jump to search

Frank Lloyd Wright (1869.8.6, RichlendSenter sh., Viskonsin shtati — 1959.9.4, Teylizin — Uest sh. Arizona shtatidagi) — amerikalik meʼmor. Chikagodagi meʼmorlar J. Silisbi (1887) va L. Salliven (1888) ustaxonalarida taʼlim olgan. Qurilish materiallari va qurilmalarning manzara bilan uygʻunlashuvidagi shakllarning oʻziga xos mutanosibligini koʻrsatish Rayt ijodining asosini tashkil etdi. Qurilish ishlarida meʼmoriy talablardan, inshoot qurilish shartlari va maqsadlaridan ratsional va maksimal foydalanishni talab etdi. Dastlab kichik turar joylar meʼmorligi bilan shugʻullanib, keyinchalik bino va inshootlar loyihasini yaratgan (Buffalodagi "Larkin" firmasi, 1905; Tokiodagi "Imperial" mehmonxonasi, 1916—22; "Sharshara ustidagi uy", Pensilvaniya shtati, 1936; Nyu-Yorkdagi Guggenxeym muzeyi, 1956—59 va boshqalar). Rayt loyihalarining Berlinda utkazilgan koʻrgazmasi (1910) Yevropa meʼmorligi rivojiga turtki boʻldi. 30-yillarda Rayt organik arxitektura asoschisi va yetakchi ustasiga aylandi. 20-asr meʼmorligining shakllanishi va rivoj topishida Rayt ijodining taʼsiri katta boʻldi.

Manbalar[tahrir]

  • Budusheye arxitekturi, M., 1960.

Adabiyot[tahrir]

  • Goldshteyn A.F., F.L.Rayt, M, 1973.