Rakvere qal’asi

video

Rakvere qal’asi (estoncha: Rakvere ordulinnus, nemischa: Schloss Wesenberg) — oʻrta asrlar qal’asi. Vällimagi togʻidagi Rakvere shahrida 25 metr balandlikda joylashgan.

Tarixi[tahrir | manbasini tahrirlash]

XIII asrgacha Vallimagi togʻida qadimgi estonlarning Tarvanpäe nomli shaharchasi boʻlgan.

XIII asrda daniyaliklar togʻda toshlardan bir nechta inshootlarni qurishadi. Qal’ani qurish boʻyicha jiddiy ishlar Shimoliy Estoniya Livoniya ordeni nazorati ostiga oʻtgan 1345-yildan keyin jadallashgan.

Dastavval qal’aning shimoliy qanoti qad rostlagan va burchak minoralariga ega boʻlgan janubiy qanoti (ularning aksari hozirgi kungacha saqlanib qolgan) faqat ikki yuz yil oʻtib, XV—XVI asrlarda qurilgan. Qal’aning shimoli-sharqiy qismida yarim doira shaklidagi qurol minorasi bilan himoyalangan darvozalar qurilgan.

1560-1580-yillardagi Livoniya urushi paytida qal’a ostida ruslar, shvedlar va nemislar oʻrtasida shiddatli janglar boʻlib oʻtgan. Oʻsha paytda qisman shikastlangan qal’a 1602-1605-yillardagi Shvetsiya-Polsha urushi paytida sezilarli darajada vayron qilingan.

XVII-XVIII asrlarda qal’a xarobalari oʻrnida tosh qazib olish karyeri joylashgan.

Vayronalarni tartibga solish boʻyicha ilk ishlar 1901-1902-yillarda, jiddiy taʼmirlash va qayta tiklash ishlari 1975-1988-yillarda amalga oshirilgan. Qal’aning janubiy qanoti va burchak minoralari juda yaxshi saqlanib qolgan. Hozirda minoralardan birida Estoniya davlat bayrogʻi hilpirab turadi.