Portobello Jodugari
 | |
| Asl nomi | A Bruxa de Portobello |
|---|---|
| Muallif(lar) | Paulo Coelho |
| Mamlakat | Braziliya |
| Til | portugalcha |
| Janr(lar)i | roman |
| Nashr etilgan sanasi | 2006 |
Portobello jodugari (Portugalcha: A Bruxa de Portobello) – braziliyalik yozuvchi Paulo Coelho tomonidan yozilgan asar. Asar 2006-yil nashr etilgan boʻlib, Transilvaniya shahrida nikohsiz tugʻilgan ayol haqidadir. Uning onasi romani ayol (kelib-chiqishi Shimoliy Hindistondan boʻlib, asosan, Yevropaning turli hududlarida yashovchi koʻchmanchi etnik guruh vakili) boʻlgan. Asosiy qahramon tugʻilgach onasi tomonidan tashlab ketilgan. Sababi bolaning otasi chet ellik (gadje) boʻlgan. Keyinchalik boy livanlik juftlik tomonidan asrab olingan.
Asosiy mavzu
[tahrir | manbasini tahrirlash]Bu asarning asosiy savoli: „Oʻzimiz kim ekanimizga amin boʻlmay turib, oʻzligimizga sodiq boʻlish uchun jasoratni qanday topamiz?“
Asar muallifning boshqa ijodiy naʼmunalarida ham uchrab turadigan oʻzining shaxsiy fikrlariga asoslangan falsafiy fikralar bilan boyitilgan. Shuningdek, Coelhoning koʻplab asralaridagi kabi oʻtkinchi xohishlarga asoslangan iqtiboslar ham romandan joy olgan.
Syujeti
[tahrir | manbasini tahrirlash]Kitob boshlanishida Afina oʻladi. Uning bunday holatda oʻlishi kitobda intriga yaralishi uchun asos boʻlgan[1].
Qiz 19 yoshida London universitetiga muhandislik fakultetiga oʻqishga kiradi, ammo bu oʻzi xohlaganidek yoʻnalish emasdi. Bir kuni u kollejni tashlash, turmushga chiqish va farzandli boʻlishga qaror qiladi. Bu bilan muallif ushbu xohish qahramonning ham oʻz vaqtida tashlab ketilganligi va onasidan ololmagan mehrini oʻz farzandiga berishni istagani tufayli paydo boʻlganligini taʼkidlaydi. Ikki yildan soʻng uning oilasi erta qurilgan nikoh va pul yetishmasligi tufayli koʻp muammolarga duchor boʻlganligi, ayniqsa Afina faqat bolasini koʻproq sevganini turmush oʻrtogʻi ham tushunib yetgach yakuniga yetadi. U juda qiziqarli bir iqtibosdan foydalanadi: „Qadimgi Yunonistonda jangdan qaytgan odamlar olgan yaralariga qaramasdan yoki oʻz qalqoni bilan oʻlishgan, yoki kuchliroq boʻlishgan. Shunisi maʼqulroq: Men tugʻilganimdan beri jang maydonida yashayman va hech kimning meni himoya qilishiga muhtoj emasman.“ U inson ichida oʻsib boradigan koʻplab savollar qidiruvi ichida yashadi. Oʻz bolasi, pul va doʻstlari borligi sababli koʻpchilikka qoniqarli hayot kechirgandek tuyuldi; uning ongidan boshqa hamma narsa sokin edi, shu sababdan „Men kimman?“ degan savolga javobni oʻzining koʻplab kuzatishlari orqali izladi.
Manbalar
[tahrir | manbasini tahrirlash]- „Portobello jodugari“ uchun oʻquvchilari uchun burchak
- Paulo Koelo bilan intervyu
- AAP 2007-yil may oyida
Adabiyotlar
[tahrir | manbasini tahrirlash]- Portobello jodugari kitobining birinchi bobi (Wayback Machine saytida 2007-08-24 sanasida arxivlangan)
- ↑ AAP May 2007