Porto-flip

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish

Porto-flip (inglizcha: porto-flip) — port vinosi va brendiga asoslangan alkogolli kokteyl, flipning zamonaviy turlaridan biri. Uzun ichimlik (long drink) sifatida tasniflanadi. Bu Xalqaro Barmenlar Assotsiatsiyasining (XBA) rasmiy kokteyllari safiga kiritilgan yagona flip. XBA tasnifiga koʻra, „Unutilmas“ guruhiga mansubdir (inglizcha: Unforgettables)[1].

XBA[2] tomonidan tasdiqlangan meʼyorlarga koʻra, porto-flip porsiyasini tayyorlash uchun 45 ml qizil portveyn, 15 ml brendi va 10 ml tuxum sarigʻi ishlatiladi.

Portveyn, konyak va tuxum sarigʻi koʻp muz solingan sheykerda aralashtiriladi. Hosil boʻlgan aralashma silqitiladi. Olingan ichimlikning asosiy qismi pushti rangning biror tusida va bir xil quyuqlikda boʻlib, yuzasida yorqin yupqa koʻpiklar paydo boʻladi.

Kokteyl anʼanaviy ravishda kokteyl bokalida tortiladi, uning yuzasiga qirilgan muskat yongʻogʻi sepiladi. Ichimlikning kuchi, odatda, taxminan, 20-22 daraja. Porto-flip, odatda, ovqat hazm qilish vositasi sifatida isteʼmol qilinadi.

Manbalar[tahrir | manbasini tahrirlash]

  1. „Сайт Международной ассоциации барменов“ (en). Незабываемые коктейли. iba-world.com. 9-mart 2017-yilda asl nusxadan arxivlandi. Qaraldi: 21-mart 2017-yil.
  2. „IBA Official Cocktails“ (en). IBA. 7-mart 2015-yilda asl nusxadan arxivlandi. Qaraldi: 21-avgust 2014-yil.

Havolalar[tahrir | manbasini tahrirlash]