Pinjur
Pinjur (serbcha: pinđur / пинђур, bolgarcha: пинджур maked.: пинџур) — baqlajon ikrasi va xuddi shu nomdagi baqlajon qaylasi, koʻplab Bolqon davlatlarining milliy taomlaridan biri sanaladi. Asosan yozda tayyorlanadi. Bolgariya, Serbiya, Makedoniya va Bosniya va Gertsegovinada mashhur. Ayvarga oʻxshaydi, lekin qalampir emas, balki baqlajondan foydalanilishi bilan farq qiladi[1].
Retseptlar[tahrir | manbasini tahrirlash]
Anʼanaviy retseptga baqlajon, pomidor, qizil va qora qalampir, piyoz, sarimsoq, oʻsimlik yogʻi, shakar va tuz kiradi. Pinjur tayyorlash uchun uzoq vaqt talab etiladi, chunki baʼzi ingredientlarni pishirish bir necha soatga choʻziladi. Odatiy tayyorlash tartibi quyidagicha[2]:
- Sabzavotlarni pechda 40-45 daqiqa davomida pishiring.
- Ularni kastryulkaga soling va sovuq suv quying, soʻngra qopqogʻini yoping va oʻrtacha olovda 20 daqiqa davomida pishiring.
- Bugʻlangan sabzavotlarni sovutib oling, poʻstlogʻini arching va qalampirdan urugʻlarini olib tashlang.
- Sabzavotlarni goʻsht maydalagichdan oʻtkazing, suyuqligi oqib tushishini kuting, pressdan oʻtkazilgan sarimsoq, oʻsimlik yogʻi, tuz, qalampir va maydanoz qoʻshing. Dasturxonga tortishdan oldin aralashtiring.
Pinjur goʻsht, kartoshka va yangi non bilan tortiladi[3].
Manbalar[tahrir | manbasini tahrirlash]
- ↑ Ayvar i pindjur (Wayback Machine saytida 3-mart 2018-yil sanasida arxivlangan)(rus.)
- ↑ Pindjur (baklajannaya ikra)(rus.)
- ↑ Pindjur-makedonskiy sous k myasu, kartofelyu…(rus.)
Yana qarang[tahrir | manbasini tahrirlash]
- Kyopoolu (bolgar va turk oshxonasi)
- Lutenitsa (bolgar, makedon, serb oshxonalari)
- Zakusca (Ruminiya oshxonasi)
Havolalar[tahrir | manbasini tahrirlash]
- Pinjur — MacedoniaOnline (Wayback Machine saytida 3-mart 2016-yil sanasida arxivlangan)